同樂爺食完詠黎園, 我又掛住紅磡雞蛋仔既...班戟. 飛車去到, 今日幾好, 冇乜人等. 星期六/日多人既時候, 有時都要等一陣. 我知佢雞蛋仔幾出名, 但係我就鍾情於佢既班戟. 樂爺佢每次都會話, 其實班戟, 咪又係M記既班戟, 基本都係冇分別. 但對於我黎講, 呢個係一個美好既童年回憶. 我係慈雲山人, 每次去開孖6(即係66座)接妹妹放學, 幼稚園前面都有檔流動小販, 有個好好人既哥哥(依家應該係一個老爺爺了), 佢係賣班戟既, 每次見到我都會有得食. 所以, 你話係咪一個美好既童年回憶先~~~ 講開班戟, 我鍾意食最基本, 即係牛油+花生醬. 反而其他人鍾意既生果或者新奇既口味就唔啱我了. 畢竟, 我都係一個想繼續回憶呢個美好既童年回憶者. 今日年廿八, 老板娘不在店, 難怪老細個樣好似有D寂寞. 燥底黃@紅磡雞蛋仔 燥底黃@紅磡雞蛋仔 燥底黃@紅磡雞蛋仔 燥底黃@紅磡雞蛋仔 燥底黃@紅磡雞蛋仔 知多D: 地址:紅磡大沽街寶利閣2號舖 註: 本文章純屬個人意見.