年半無飛過,真的好掛住台灣,喜歡他們的素食,更喜歡他們的熱情,不過我更掛住我啲好朋友,雖然好多時我啲普通話真係普通到一個點,我亦黑人問號過,其實佢地明唔明我講咩,但佢地好努力「扮」明白,朋友之間就是這樣,希望佢地係個邊平安同健康。 最近人氣台式餐廳「 尚青商號 」舉辦了《台灣懷舊柑仔店主題館》展覽,入面有超多打卡位。單是門口就有一個超得意既台北「歪腰郵筒」,係100%神還原,去一轉當飛了台北吧。 在台北的原祖「歪腰郵筒」除了是旅客打卡位外,至今仍設有投遞郵件功能,如今在「尚青商號」完整重現,為疫情下的每個人打氣,勉勵大家「撐住生活的煩惱瑣事,人生歪腰也無妨。」加油啊,香港人!! 而店內就以60年代柑仔店風格為展覽主題,柑仔店係咩??其實係台語來說係指「雜貨店」,展出懷舊童玩、糖果零食、日常用品等等, 像極一個台式小型百貨,充滿懷舊復古的味道。點擊圖片放大 第三個打卡位就係大家都好熟悉既「謝曬皮」插畫,是「謝曬皮」親自設計手繪插畫,插畫是以「台灣後花園」的東台灣為主題,細心留意插畫內容,能夠發現台東每年暑假的國際盛事「台灣國際熱氣球嘉年華」及原住民部落在其中,體驗傳統慶典及人文情懷。 一場黎到,記得要上埋餐廳試試,佢地係主打古早味台式料理,據聞入座率超高,長期客滿。不過最令我覺得貼心的是,他們設有 2 款素食選擇,「素三杯腰花煲」同「素麻油雞煲」,這簡直是素食朋友的福音,不竟在香港能提供素食的台式餐廳實在是少之又少。 今次我點了「素麻油雞飯」,很久也沒有嚐過台灣的原味道,素麻油雞飯夠哂薑的辛辣味道及麻油香,比起出面D 台式餐廳真係好貼心。 呢到既「古早味手工芋圓甜湯」也是必試,甜絲絲的古早味道, 加上煙煙韌韌的芋圓、仙草、紅豆及花奶,令我真係好掛住台灣。 台灣懷舊柑仔店主題展日期:即日起至12月31日 | 11:30 - 21:00地點:香港灣仔蘭杜街4號地下文熙大廈 | 尚青商號Welcome to Visit :kitlindacat.com, theZtyle, BeautyExchange, She.com, Beautylife, Ubeauty, BlogSpot, Weshare, PixnetContact Me :Fans Page :https://www.facebook.com/kitlindacatInstagram: kittyxbeanscatWebsite : https://kitlindacat.com/e-mail : kitty-yau@hotmail.com