上個月廸士尼已經公佈話Duffy有好朋友將會出場，佢就係黃色嘅小狗Cookie，7月3日已經嚟到港廸士尼樂園同大家見面啦，仲舉行左個盛大Party，現場好熱鬧。 新朋友 Cookie 其實係一只活潑、充滿創意，同一提到美食就idea多多嘅黃色小狗，Party 上同Duffy、StellieMay、Gelationi及StellaLou 一齊係廸士尼樂園同大家見面。 去片睇下當日既熱鬧情況。 雖然天氣勁熱，但無懼我搵Cookie 同佢班朋友嘅決心。 香港廸士尼係全球首個Cookie 見面的地方，在小鎮大街的櫥窗及外牆上，會看見Cookie 的蹤影，身為香港人特別興奮同自豪。 點擊圖片放大 為慶祝Cookie 新登場，香港廸士尼仲推出了超過50款全球獨家的Cookie 主題精品同30款獨家美食，係粉絲的話就堅唔好錯過啦，因為今次主題精品真係好靚，而Cookie 美食會係不同主題餐廳出現。 【親子曲奇DIY活動】成人$518/小童$348 廸士尼酒店會係星期六、日，有限定嘅「米奇廚師家庭樂」自助晚餐連同親子曲奇DIY活動，可以比小朋友化身成為小廚神，一齊炮製出Duffy、Cookie 同埋一班好友嘅主題曲奇，有得食Buffet仲有得玩埋diy Cookie真係好抵。 Cookie 同Duffy 樣曲奇真係好趣緻。 【 大街餐廳】 「Cookie’s Choco Cup」$98 Choco Cup用來載住雪糕既杯係用朱古力做，名副其實朱古力杯。 「Cookie’s 下午茶 Afternoon Tea Set」$318 一共有 12 款以 Duffy、Cookie 及米奇為創作的咸甜美食。 咸點包括︰腸仔卷、煙肉莧菜墶、香辣炸蝦配泰式甜酸汁、芒果蟹肉沙律籃、迷你牛肉風乾三文治、迷你窩夫、即烘鬆餅及馬卡龍。 甜點︰朱古力蛋糕 、紅豆卷、芝士蛋糕及鮮果拼盤 凡惠顧此下午茶套餐的朋友有福了，因為可以加$78換購 Cookie 限量版徽章一枚，出面係冇得買架！ 隨餐仲可以跟埋最新推出的 Cookie”s Mango Lagoon 或 Duffy 熱朱古力。 賣相咁靚真係唔捨得食。 皇室宴會廳 Cookie 藍莓杯裝蛋糕 $45 廸士尼樂園酒店 Cookie 鮮果忌廉蛋糕 $450/lb 芊彩餐廳 色彩度繽紛嘅Cookie Dessert Moment $178 戶外小食亭 「雲呢拿杏仁曲奇」$45 呢塊Cookie 造型真係成塊面咁大塊嘅曲奇嚟。 除左咁靚咁精緻既美食外，大家最想見到嘅相信係一堆Cookie 主題精品，超過50款全球獨家Cookie主題商品，包括粉絲必備的毛公仔、限量版徽章、配飾、頭飾、文具、日用品及服飾，大家可以係香港廸士尼先暏為快。 17吋毛公仔$328 毛茸茸嘅Cookie係人都想擁有一只晚晚攬住訓呢。 Halloween 系列精品將於9月份推出。 首日仲有毛公仔、毛毛袋同Coins Bag開賣，不過唔洗擔心，Cookie 主題精品會陸陸續續登場，粉絲要留定彈藥，定期去朝聖。 Cookie 手袋$718 Cookie 硬幣包$118 Cookie 小童無袖連身裙$288 仲有4款可愛度爆燈嘅Sticker免費派發，記得要蓄齊一套。 點擊圖片放大 地點︰香港廸士尼公園 Welcome to Visit : kitlindacat.com, theZtyle, BeautyExchange, She.com, Beautylife, Ubeauty, Quooza, BlogSpot, ElleBlog, Weshare, BeautyQooza, Pixnet, Style-tips, Cosmopoltain, Dimcook Instagram: kittyxbeanscat Fans Page : https://www.facebook.com/kitlindacat Linda Cat e mail : kitty-yau@hotmail.com / bearpigcat4321@yahoo.com.hk
