Happy Friday!今晚同同事食farewell dinner，由於食飯期間掛住傾計，食得唔多。走嘅時候，都仲係餓餓地，唯有齊齊食宵夜。 同事帶咗我嚟呢間喺蘭桂坊新開嘅泰式串燒店Grill ขุนทอง。黑色作主調嘅店面採用開放式燒烤廚房，隔住塊大玻璃，可以見到店員密密手咁燒緊一排排串燒，見到都令人食指大動。 我哋兩個一共點咗9串，仲要全部都係肉，真係好heavy，但美食當前，點會忍得住。 睇番meun,大部分串燒價錢都算合理。 大花蝦 ($70) 蝦肉有膏，肉質彈牙，雖然唔係游水蝦，但都算新鮮，惟價錢略貴。 白鱔 ($60) 白鱔肉質厚，非常有咬口,又夠juicy。店員建議所配嘅芫茜酸辣醬超讚，不過蘸咗之後，有機會蓋過魚嘅鮮味，但還是好好味，推介之選。 豬頸肉 ($20)(中間嗰串) 好大塊，肉質脆口，唔乾，好味！ 雞肉、豬肉、牛肉(各$15) 個人比較鍾意牛肉，因為牛肉唔韌，食落去無渣，又唔會燒得乾身，好味道。而雞肉同埋豬肉唔嚡身，醃得入味。 雞中翼 ($20) 表面撒滿泰式香料，而且燒到啲皮有少少脆香，食落好香口，不過我覺得醃得唔算入味。 魷魚鬚 ($20) 份量都幾多，魷魚又彈牙，唔錯。 白豬肉腸 ($25) 外皮燒到微脆，蘸埋辣醬食，正！ Grill ขุนทอง 中環德己立街17號地下 2530 1022 ************************************************************** 歡迎邀稿│合作試用│出席活動: 年糕 email: lincolefu@yahoo.com.hk
