年糕面上好少長痘痘, 偶爾生理期會生得比較多, 不過都係2-3粒. 但人總唔會咁如意, 我背部生痘痘嘅情況就比較多, 而且係持續咁長痘痘同生暗粒, 一直都令我好懊惱. 所以今次有機會到AQUARIUS Beauty體驗一下背部煥膚療程, 改善一下背部痘痘問題. 今次我去左旺角分店,店鋪位於銀座廣場(近油麻地方向), 鄰近地鐵站, 所以好容易搵. 旺角分店地方唔算大, 不過整體感覺令人舒服同RELAX. 坐低後職員隨即送上自家煲薏米水 夏天飲一流. 因為解渴之外仲有美白功效. 好貼心嘅服務!! 治療師會細心講解整個treatment流程同步驟 之後就可以入更衣室換上衣服 而更衣室內基本需要用品都有齊, 而且好整潔. 將貴重物品鎖係LOCKER內, 換上紙Bra同紙拖鞋 就可以由更衣室側門進入房間 房間雖然唔大, 但環境好舒適, 可以開始體驗療程啦! 今次背部會進行3種不同療程, 而當中會用到精華液、果酸再配合機器使用. 療程前, 俾大家望下我個玉背. Um….我都有好多大大粒痘印係背脊. 先用精華為背部肌膚清潔. 第一個STEP : Perfect Light水晶淨白毛孔激活療程 就係用呢部機配上可以噴出氧化鋁水晶砂的噴嘴, 來回背部游走, 就可以去除背部底層的污垢、皮膚過厚角質層和死皮統統帶走. 儀器於背上游走根本沒什麼大感覺, 不痛、不癢. 完成後背部面會浮出灰灰黑黑東西,治療師說就是背部底層污垢同油脂. 如果背部乾淨的人, 唔會起出好多灰黑東西, 而且我背中間的位置比較灰黑, 証明污垢積聚比較多, 要多注意. 事實日常我中間位長暗粒問題都係比較嚴重. 第二個STEP : O2注氧儀 利用從空氣中過濾99%純氧注入皮膚內, 促進新陳代謝, 令細胞活化, 增加氧份, 更容易吸收後續精華及水份.而且可以為肌膚收細毛孔, 降紅. 噴嘴會噴水涼涼的霧化水氣, 所以感覺涼快同舒服. 第三個STEP : SRS活膚療程 最後的療程就係為肌膚塗上果酸, 進行煥膚. 初初感覺會有點吉吉地, 治療師進行期間都會好細心詢問感覺 整個煥膚過程大概只需1小時, 整個過程治療師都好細心, 所以感覺蠻舒服的. 而完成後背部皮膚即時細滑, 毛孔乾淨左. 治療師更提醒, 完成療程後7天內唔好曝曬、唔好做磨砂及唔好使用美白產品. 記住啦!! Aquarius Beauty Care facebook : https://www.facebook.com/AquariusBeauty.hK ************************************************************** 產品及資料由品牌提供 免責聲明: 本文章所發表的全部內容均屬個人意見及感受，並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或尋求相關專業意見。 歡迎邀稿│合作試用│出席活動: 年糕 email: lincolefu@yahoo.com.hk
