又到聖誕…又到聖誕….好快就到聖誕節啦!! 每年聖誕都會參加朋友舉辦的大大小小派對, 今年當然唔會例外啦. 係聖誕節期間除左吃喝玩樂最多之外, 拍照留念自然唔會少. 所以一個精緻又搶眼的妝容好重要. 今次有幸於聖誕前夕參加【Fashion & Beauty X heroine make聖誕華麗魅力眼妝工作坊】唔單止學到化聖誕妝之外, 仲收到好實用的heroine make眼妝產品, 今個聖誕可以化身迷人lady去參加Party啦~ 先說說品牌故事: “Heroine”代表故事中的女主角, Heroine Make的誕生就是為了讓愛美的女士實現童年憧憬, 即使落淚仍能如少女漫畫的女主角般美麗動人. 當日工作坊主要介紹heroine make的眼妝產品, 而且最重要的環節係有專業化妝師即場教Blogger們點樣運用化妝技巧, 化出一個聖誕節bling bling迷人眼妝. 本身已經美美的Blogger模特兒, 經過化妝師巧手技術下, 成個聖誕妝容好快就完成. 化妝師用左04玫瑰酒紅色系列眼影, 仲分享左好多小tips. 一直好怕紅色眼影會令對眼看上去好腫, 不過化完之後模特兒看上去唔單止無眼腫, 對眼仲好Sharp. 活動之後, 每位都得到一袋Heroine Make的眼妝產品. 當中我就有【超級防水濃密鬈曲睫毛液- 黑色】【纖細眼線液- 黑色】【持久亮澤寶石眼影 – 01 絢麗黃啡】 眼影顏色好適合我這種單眼皮女生用｡◕‿◕｡ 今篇博文我想由Heroine Make的【纖細眼線液- 黑色】開始分享: HEROINE MAKE纖細眼線液【 黑色】 特點: -0.1mm的極纖細筆尖 -溫水即可卸除, 減低卸妝對眼部肌膚的傷害 -持久防水配方、抗淚水、汗水及油脂 成分: 含甘菊精華及虎耳草滋潤成分, 呵護眼部肌膚 先分享一個速成版畫眼線的技巧, 好適合初哥學習.此技巧可以令初學者較容易掌握畫對自己眼形粗幼的眼線.*技巧由一位化妝師朋友分享給我知. 請先預備已上好底妝的面一塊…哈哈!! 好啦, 開始使用HEROINE MAKE纖細眼線液 首先張開雙眼,由眼頭至眼尾的眼皮位分左、中、右輕輕用眼線筆點3個定點(圖1). 之後你半瞌埋眼, 就會見到剛剛畫的3點(圖2). 你再由眼頭位開始畫線將3點用眼線筆連在一起, 留白的位置填滿黑色, 基本上就完成一條眼線啦(圖3) 因為單眼皮的原因, 我平時畫的眼線都需要畫得比較粗. 但張開眼後, 見光的眼線位就會等於雙眼皮女生正常的眼線粗度. 有時我都好想擁有雙眼皮(¯^¯ ) 而我左、右眼的大小都不太對稱, 所以畫眼線可以最快幫我微調眼睛大小 單單只是畫完眼線, 可以令眼睛放大, 而且更令整個人看上去更有精神. 因為單眼皮的人通常都會給人無精神的感覺.個人而言, 我比較喜歡畫眼線, 平時素顏外出我都會堅持畫眼線. 因為一對有神的眼睛很重要. 而使用完HEROINE MAKE纖細眼線液後, 其只有0.1mm的筆尖很好用, 用於畫眼尾的位置由其得心應手.而且黑色眼線液著色控制容易, 如果要眼線畫粗一點, 只要於畫眼線時筆尖輕輕按壓低一點, 就可以畫出較粗的眼線. 另外值得一讚的是黑色眼線液顏色夠黑同夠亮麗, 卸妝都好方便, 只要用溫水就可以輕易卸除.而且價錢都只是百元之內, 比較經濟實惠, 效果整體又滿意.所以下次我會選擇回購. HEROINE MAKE OFFICIAL WEBSITE: http://heroinemake.hk/ HEROINE MAKE FACEBOOK: https://www.facebook.com/HeroineMakeHK ************************************************************** 產品及資料由品牌及 iTiral 提供 免責聲明: 本文章所發表的全部內容均屬個人意見及感受，並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或尋求相關專業意見。 歡迎邀稿│合作試用│出席活動: 年糕 email: lincolefu@yahoo.com.hk
