最近約左個閏蜜high tea, 我地大家耐不耐會出黎見面update下近況. 一見面既時候, 已經見到好友轉左唇色. 平時熱愛大牌字”C”品牌紅色唇膏既佢轉左粉紅色, 顏色好靚. 之後食野期間已經發覺有d唔妥, 點解佢隻唇膏唔甩色既?! 嘴唇依然keep住粉紅色, 只係無之前咁gloss. 我真係忍唔住問佢用左咩唇膏. 謎底終於解開…..原來佢用左最近韓國最流行的Lip tattoo. 而我都中左毒,一試愛上. 呢支Lip tattoo仲係懶人恩物. 簡單易用又多顏色揀. 好啦, 等我為大家分享下呢支恩物啦. SKINAZ 24H LIP TATTOO HK$ 118.00 我所用既色系- 粉紅色 LOVELY PINK 外形設計為牙膏狀, 同平時用的唇彩差唔多. 而且顏色為橙紅色, 收到個時我仲好疑惑係未俾錯我. 原來搽上去會變成粉紅色. 用既時候好簡單, 只需要唧出適當的分量搽上嘴, 等幾分鐘令LIP TATTOO變乾形成薄膜. 我建議大家用棉花棒搽上嘴會比較好, 我試過就咁用支LIP TATTOO唧出黎直接搽, 唔單止搽到個嘴唔平均, 而且嘴唇邊位好似狗牙咁刻劃唔到個唇形出黎. 之後改用棉花棒就搽得靚好多,而且分量都較易控制. 我喜歡用一邊圓頭一邊尖頭的棉花棒(萬寧有售), 圓頭個邊可以用黎搽晒成個嘴, 尖頭一邊可以修飾搽出界的地方. 很好用. 搽完等幾分鐘就會變乾形成一層薄膜, 據我經驗, 等乾個時如果上下唇合埋會令到嘴唇重疊位好難變乾,而且仲會深色d, 所以我都係keep住”O”嘴幾分鐘.哈哈.. LIP TATTOO完全變乾後, 大家可以用棉花棒、手指 or其他工具撕走薄膜即完成. LOVELY PINK出來的效果顏色正是我好喜歡的粉紅色, 而且好韓風呀. 我發現塗抹的厚薄程度好影響出來既效果, 如果喜愛淡淡粉嫩顏色的就最好只係薄薄搽一層,就會有我以上效果. 厚厚搽就會顏色再深D. 優點: LIP TATTOO非常上色, 而且方便易用, 持久而不容易甩色 缺點: 用完後嘴唇好乾, 雖然未至於乾到甩皮, 但需要不斷用潤唇膏保濕. 之後飲水即刻試下有無甩色情況出現. 試完真係水杯邊都無染到有顏色. 又係時候來個小總結: SKINAZ LIP TATTOO的上色效果都幾持久, 早上用, 到晚上嘴唇都仍然有色. 不過就變淡好多. 如果是去PARTY的女生, 我都幾推介用, 因為可以減少補唇妝次數. 但平時, 我就唔會選擇日日用, 雖然品牌說明是用天然物料去做, 但始終有色素的又塗於嘴上, 所以都較為小心. 而且唇色需要用卸妝用品先可以澈底卸除. 所以呢支LIP TATTOO已經歸入我的PARTY同聚會化妝用品之一. ************************************************************** 歡迎邀稿│合作試用│出席活動: 年糕 email: lincolefu@yahoo.com.hk 我的Blog: iTrail: http://itrial.hk/user/fufuchau Try it: http://www.tryit.hk/refer/Lincolefu/ Beauty Exchange: http://www.beautyexchange.com.hk/blog/LINCOLEFU TheZtyle: http://lincolefu.theztyle.com Beautylife: http://www.beautylife.hk/?5610 Fashion & Beauty: http://www.fnb.hk/blog/33743 Ubeauty: https://blog.ulifestyle.com.hk/blogger/lincolefu/ Qooza Beauty: http://beauty.qooza.hk/u/LincoleFu/shares She.com: http://blog.she.com/lincolefu/
