其實我好佩服各位Blogger咁有心機去同各位分享成品或其他 不論對自己來講有沒有用都好 Blogger都係好有心機打出來（廣告除外） 我好鐘意做手作 好鐘意改衫 都好鐘意整甜品野食 但一直我都沒有心機拍照記錄 而家結左婚 生活都比較平淡安穩 所以有心機打返BLOG分享一下了 先來一個麻糬波波 呢樣易整又好食 家中有磅 焗爐就可以 因為係咸味 食多幾粒都唔怕甜到漏···小心食上癮 整來下午茶 嘆叔返杯茶 真係一流 （我整了這個回公司做散水餅 小小心意 好受歡迎） 材料： 糯米粉110 g 木薯粉15 g （超級市場有售 即是泰國生粉） 芝士粉30 g 芝士碎30 g（Parmesan 芝士碎，烘焙店有售 ，如果你有心機可在超級市場買一磚刨成碎 有排用） 幼鹽 1/4茶匙 無鹽牛油溶液 20g（牛油要預先熱水座溶） 蛋 1 隻 牛奶70 ml 做法： 預熱焗爐200度 1. 糯米粉＋木薯粉＋芝士粉＋芝士碎＋幼鹽 放進盆中用手拌勻。 2. 蛋＋無鹽牛油溶液拌勻 倒進步驟 1. 內用手拌勻。（不是很平衡的 不緊要） 3. 牛奶最少分3次倒進步驟 2. 內用手搓勻。 4. 用手搓成一個個小小的圓波波 放入已經預熱好的焗爐200度焗18mins 即完成！ 係咪好易呢！你都快d整返返一打慢慢嘆啦
