色斑，相信好多姊妹都好討厭佢，Lilian同樣憎死佢呀！但要擊退敵人，先必要好好了解佢，才可以直撃核心，從根源擊碎累黑色素呢！SHISEIDO讓我們知道，首先要徹底擊碎頑固色斑，然後先可以從肌膚底層速淨黑色素。 所以今次試用《SHISEIDO終極擊斑美透白組合》七天體驗，一塊White Lucent Power Brightening Mask 同3枝2ml美白精華素，以先擊碎後速淨方法去處理頑固色斑。 奶白色帶水狀精華素，氣味清新，質地水潤易推，一瞬間被肌膚吸收掉，而且一D都唔笠，連續早晚使用７天後，肌膚亮白度明顯提升，真係白左一個tone，色斑亦淡左呢！SHISEIDO呢隻精華素好補水，用後覺得肌膚好水潤唔笠，唔似一般市面上美白產品，一係就乾爆，一係就笠爆呢！ 第4天晚上終於可以試用全新從未曝光既White Lucent Power Brightening Mask啦！ 呢款產品要2013年01月01日推出。 使用方法：塗抹健膚水及精華素後使用，敷十分鐘後撕除面膜，將留在面上的精華塗勻全面，輕輕按摩。 淡奶白色濕濕的面膜，精華液足夠敷整塊面之外，多餘的還可以塗頸同手仔呢，棉質面膜紙，面膜厚度不會太薄，剛剛好呢！不會因為天氣乾燥而好快乾掉，面膜夠大，就算大臉的我亦敷整塊面，而且敷上面好舒服貼面，Lilian認為最讚係眼部設計，在眼部適當四周位置cut開小小，令面膜更加貼面，唯一美中不足係鼻位置不夠敷呢！ 呢隻Mask同樣都好補水及美白，用後覺得肌膚好水潤唔笠，第２朝瞓醒照鏡，肌膚明顯自然亮白左，肌膚望落均勻左，但要撃退色斑，相信要試多片才知道。 總結：經過七天體驗，肌膚白左一個tone，望落均勻亮白，SHISEIDO呢2款產品都好水潤唔笠，美白度提升之餘，補濕方面亦做得唔錯，用後肌膚亮白之餘亦注滿水份，但要擊退色斑，相信要繼續使用才知道確實效果，但Lilian認為可以值得使用落去啊！
