一旦決心要瘦身、要減肥，大家都會從網上搵到好多資料，或者參考名人明星有效減肥建議無論網上睇片或睇social media post，都經常見到減重、塑身相關專有名詞，今次做咗個簡單小合「4瘦身減肥關鍵字」，大家塑身期間揀飲擇食＋擇運動都有點概念。 1. 「HIIT」高強度間歇運動 HIIT是「High Intensity Interval Training」的簡稱，只須在15-20分鐘內，完成連串高強度運動組合，呢短時間的爆發力目的要令身體同肌肉疲倦，令心跳加快，（須達85至100%之間）咁先可以消耗體內氧氣。 好處：加快卡路里消耗、減少體脂、減慢心跳率及血壓，更有助穩定血糖水平。 2. 「TABATA」高強度間歇運動TABATA名稱的由來，是源於日本東京體訓大學的田畑泉（Izumi Tabata）教授，於1996年提出另一種高強度間歇運動。形式是運動20秒，休息10秒，連續4分鐘合共8個循環。 好處：高效消耗熱量、提升心肺功能及肌肉訓練 3. 「低GI飲食」 「GI」 代表「Glycemic index」亦即是「升糖指數」，高GI食物，會令葡萄糖分解速度加快，身體分泌的胰島素也更多，變成「餓底」體質，時刻都想搵野食，絕對係減肥人士的大忌。 低GI飲食好處：控制體重、減少脂肪囤積、減少患心血管病、糖尿病等風險低GI食物：糙米、燕麥、意粉、全麥麵包、香蕉、奇異果、橙、蘋果、士多啤梨、魚類、高纖蔬菜、菇菌類、豆類 （注意：低GI不等於低卡，不宜大量進食，另外低血糖、腸胃較弱人士，亦須慎選低GI飲食法則） 4. 「高Leptin」 Leptin（瘦體素），（上一篇文章有更多講解），「瘦體」是由脂肪產生的蛋白質荷爾蒙，專職控制食慾及調節飽足感，更操控熱量的攝取與消耗，瘦體素愈多，代謝愈快愈好， 促進瘦體素的食物：蘋果皮果膠（加醋）、苦瓜、杏仁、豆類、雞蛋、牛奶、海魚、85%以上黑朱古力、綠茶、士多啤梨。 作為打工仔日忙夜忙，希望大家都可以喺有限時間，做運動兼且要拎最高效果，放得入口食咗既無負擔之餘，更可以令減重達致事半功倍。
