我們致肥的成因有很多，有人覺得戒澱粉可以減磅，有人覺得隔絕所有肪脂才能奏效，故勿論大家取信於哪個說話，糖份及不良脂肪都係目前大眾普遍認定的致肥原兇。 近年不少成功減重的女明星，或者突然變筋肉男的男星，都不約而同表示他們的飲食習慣是戒糖，連煮食調味都唔用糖，幾愛做gym都會偶然飲汽水獎勵下，所以有代糖及０糖系飲品或零食應運而生，不過，早前世衛發出指引，表示代糖阿斯巴甜（Aspartame）將被世衛列為可能致癌物類別，其實早在代糖面世後不久，已有研究發現代糖對健康存有不少負面影響，其中一項是對女性的健康，而今次世衛的報告強調「代糖既無助減少體內脂肪來控制體重，更會增加患上二型糖尿病的風險」，對於減肥人士而言，絕對係個諷刺。 生活需要一點甜…… 如果去到太極致，下下都要就住就住，生活未免太乏味了，即使苦練飲熱檸茶唔使落糖，煮食調味都需要酌量加點糖呢！咁係「唔想用砂糖、唔敢用代糖」之下，我找到「MonkFruit Sweetener」(羅漢果甜味劑)，佢主要成分真係羅漢果提取物及赤蘚糖醇，貌似咖啡糖，甜味的確有，不過唔係真正砂糖個種甜，亦唔好代糖個種假甜，甜味淡淡的，真係後調有陣羅漢果味，有時飲熱檸茶、醃肉煮食唔想太寡，就會加少少開心下。另外，普通常溫飲食，蜂蜜都係另一種上佳Sweetener。 呢個都唔難搵到，好多本地有機店都有，當然要留意返所買嘅成份入面會唔會有“Aspartame”，而我就去iHerb買。 月巴人氏心聲：“點解有人食極唔肥，我淨飲水都會增磅？” 從吸收的角度而言，這個關係到基因遺傳，身體脂肪細胞多少的問題，脂肪細胞較多的人，當大餐過後，自然會「谷肥」每粒脂肪細胞，相對起脂肪細胞較少的人士而言，肥胖的機會自然提升。 從食慾的角度而言，有人天生好快飽，有人食量較大，大家會覺得同食大咗個胃有關，那麼是什麼原因由起初食慾大增呢，這便關乎身體的瘦素（Leptin），這種又俗稱為瘦蛋白的荷爾蒙，由脂肪細胞產生，佢強項係「令人有飽腹感，增加能量釋放，抑制脂肪合成」來控制體重（見到都心心眼）。「瘦素」敏感度較高的人，即使偶爾進食過量，第一瘦素會叫停「控制飲食」；第二瘦素會提升能量代謝水平，換言之，身體脂肪儲備唔會發出「盈警」，可以安心做個吃貨。 肥瘦好像天註定，但後天可以好好控制汲取與消耗，體重依然可以在掌控之內。
