優雅地老去講就容易囉，實行起上黎又邊有咁易，就好似額頭個Ｄ抬頭紋，除非你終生木口木面，否則稍為郁一郁堂眉，抬頭紋就浮晒出嚟，咁樣仲點可以扮優雅落去，所以當踏入熟齡肌，不得不向醫美大神借借力。 去皺針大家一定諗起肉毒桿菌素，依家牌子好多，Botox, Xeomin, Siax, Dysport等等（太雜嘜牌子就唔計啦），隻隻都係肉毒，但成分、價錢、適應範圍都有差異，大家應該點揀好呢？ 1. 如果「以價錢」行先，咁一定係打Botox 或者 Siax，前者係美國針，後者係韓國針，，但因為佢成分含有雜質，如果成日打／大劑量咁打，日子耐咗係好大機會出現打醇咗，好似打咗無耐就無效果，或者發覺打個份量愈來愈多。如果入門級小試牛刀，絕對可以諗諗呀！2. 如果「以安全」行先，咁一定係打 Xeomin（來自德國），佢屬於新一代肉毒桿菌素，成分係無複合蛋白個Ｄ雜質，打得密打得多，唔驚身體會出現抗體。留意返價錢真係相對貴Ｄ，但真心打得落塊面，貴少少都值得啦。3. 如果做「瘦小腿」的話，咁揀Dysport一定無輸（來自英國），因為佢成分本身擴散效果係比其他牌子好，做大範圍放鬆肌肉就最好不過。 價錢嘅野就豐儉由人，但大家選購醫美服務，係咪只考慮價錢平貴呢？依家講緊係打落塊面，醫生個手勢，調配份量比例好唔好，都好影響出嚟效果！傳說中有位...... 身邊有唔同朋友／舊同事，佢地有打針做下微調，都不約而同話佢用緊個“Hui E生”好好，後尾追問先知，呢三邊唔同朋友，所講嘅 “Hui E生”都係同一人，有冇咁橋先，不過都係嘅，好野係會空氣中口耳相傳嘅。 被人Sell「不等於」被人亂Sell做美容療程，被人Sell有乜問題？（大家買包包被人Sell又唔覺有問題呢！） 反而識得問啱問題，先唔會被人「亂Sell」。 Q1. 醫生會幫我點打呢條抬頭紋?Q2. 呢個份量係咪夠用？唔夠的話之後點計？Q3. 打咗短期有咩副作用我要留意? 以上小小整理，希望大家搵醫美服務個陣，慳到ｄ做資料搜集嘅功夫啦！
