毛孔粗大一直KEEP住困擾我，Ｔ位、面頰同下巴，粒粒毛孔都大到嚇人，所以素顏從來都唔敢，每次化妝好似填咗毛孔個窿咁，加埋偶然生係底個Ｄ石頭瘡，所以點解成尸爆粒粒。大約半年前，我Ｄ粒粒因為太勁，化妝都會睇到個份「鞋烚烚」，朋友推介我做海藻矽針，所以放膽Try try，因為反正塊面都爛。 對療程感受：係痛，尤其額頭面頰位置，療程後成塊面唔摸係無事，一摸好大件事，係勁拮肉，我跟足指示話勁搽補濕精華，吸得勁快，頭兩日塊面有少少紅，化妝遮到無事，但感覺好乾，又係跟足指示話勤力敷mask，我配合，跟住做完treatment第四日開始，覺得上粉貼左，但返到公司開會，老闆怪怪地望我兩秒就直接問，你塊面做過咩嚟，好咗咁多？感覺似被捉姦咁，哈哈！我好淡淡然話做咗facial咋 (下刪被迫供的300字) 因為咁所以想再了解海藻矽針，原來成份算天然，可以刺激肌底做修復，所以頭兩日會又乾又紅，但係無傷口，絕對可以放心，修復期間吸收力係最強，所以狂落精華或補濕，暗瘡傷口我會避一避。 半年後，依家面頰毛孔範圍細咗，每粒毛孔都細咗，鼻頭毛孔都細好多，好明顯係就算天氣咁熱，毛孔都無好似之前放到鬼咁大，所以藏油垢都變相少咗，希望有日可以素顏出街。
