今日比個FD帶左上洗冷氣公司問價,佢話佢公司附近開左間洗冷氣好似好平,叫我陪佢去問下,我話都未熱無啦啦洗咩冷氣姐,佢話屋企幾部冷氣都發毛,自己唔想洗好噁心,所以想比錢人洗.一上到間洗冷氣公司我完全知點解我FD唔打電話問價要上去問,我影左幾張相,就不解釋了： 我FD屋企兩房一廳有三部分體式冷氣都要洗,原來都無我想像中咁貴,我以為呢D通常都係D公司先會搵專人洗冷氣,原來屋企都得,真心唔貴,先550唔洗一部,搞到我下次都想搵人黎洗比較方便,唔洗自己搞咁多野.BOOK完就黎左我FD屋企洗,完全為左睇下係咪大師兄親自黎洗,不過完全無D養眼畫面,因為佢黎到既時候係包到密密實實,唔係我想像中既裸上身洗冷氣之類,不過都係,疫情期間都係安全D好~ 其實都洗得好認真,花好時間遂個部份都會洗到,洗完好似一部全新既冷氣咁,佢仲話洗乾淨可以成部密封,到夏天真係熱既時候可以一撕開就用得,塵都唔洗掂一粒,咁又幾好,加上話有保養期,洗完之後有咩問題都可以打去問,D售後服務都唔錯,我諗我夏天前都會想BOOK大師兄黎洗冷氣~~
