又到左一年一度嘅情人節喇～你準備好情人節三寶（花束💐、朱古力🍫、禮物🎁）未呢？如果未嘅話，跟住落黎嘅內容就幫到你～除左買不同大小品牌嘅朱古力🍫，其實都可以試下升級 自己親自落手整DIY朱古力🍫有誠意之餘，分分中可以以平價整到性價比高/同某啲牌子相似度高嘅朱古力🍫今年我決定親至為大家帶來 2 款簡單易整嘅DIY朱古力食譜，幫你升級誠意版— 自製情人節朱古力：日式生朱古力 同 「松露朱古力」要準備嘅工具：📍電子磅📍膠刮📍器皿📍牛油紙📍保鮮紙🍫日式生朱古力同日本某R字頭牌子的生朱古力相似度高～日式生朱古力材料：（💰:HKD$100以下）📍黑朱古力粒 150克 📍鮮忌廉 75克 📍無鹽牛油 15克 📍無糖可可粉 適量做法：1.淡忌廉用細火加熱至微滾狀態（出煙/微微起泡就OK ）。 2.將已加熱嘅淡忌廉 加入黑朱古力粒和牛油中，攪拌至完全溶化。 3. 將方形器皿鋪上牛油紙，倒入朱古力，壓平，封好。放入雪櫃冷藏4小時。4. 冷藏4小時後，將朱古力切成大小接近嘅方塊。5. 灑上適量可可粉。 大功告成！🎉🍫松露朱古力From 日本YouTuber - Nino’s Home 分享的「松露朱古力」食譜只需要兩款材料～不過都需要強而有力嘅臂彎…松露朱古力材料：（💰:HKD$50以下）📍煉奶 240克📍可可粉 100克做法：1. 將煉奶加熱至微滾狀態（出煙/微微起泡就OK ），倒入器皿中。 2. 可可粉分次加入煉奶中，攪拌至稠身及固態形狀。3. 方形器皿鋪上保鮮紙，倒入朱古力，壓平，封好。放入雪櫃冷藏2小時。 4. 冷藏2小時後，先在桌面灑上可可粉，倒出朱古力，切成大小接近嘅方塊。 5. 將朱古力沾滿可可粉，並將邊角搓圓。 大功告成！🎉小貼士：📍如果用朱古力太大粒可以先切碎，方便溶化。📍如果朱古力未能完全溶化，可以另外隔熱水坐溶。📍整松露朱古力時，煉奶加入可可粉會令質感令變硬，所以係需要強而有力嘅臂彎……📍今次係日式生朱古力🍫用左2款唔同嘅朱古力： 📍留意番樽裝煉奶份量一支185克一支450克。
