細細個學生時代開始，就好記得每年香港都有2個大型既展覽係灣仔會展舉行。 一個就係書展，另一個就係動漫節。點解咁記得？因為知道一定係一個接一個，約老友就梗係一次過約去晒兩個。 今年算有少少特別，岩岩去完書展出銅鑼灣食野，經過sogo 見到有香港電競音樂節既大banner, 就上網睇下，一睇就不得了，原來買一張飛可以去埋動漫節。 可以睇同參與既活動都算多，有英雄聯盟LOL冠軍盃、CS GO 世界邀請賽、近期勁hit 既PUBG既電競比賽，cosplay大賽，仲有VR體驗區同埋好似街霸呢類懷舊格鬥game可以同其他人一齊玩。以前同班同學仔一齊打機一齊玩既感覺番晒黎，「阿力cool」！星期六日入場既話仲睇到達哥隊對加蔥隊對決！如果仲諗緊係香港周末既好去處，不妨可以去玩下睇下野。 買入場門票 香港電競音樂節係7月26-28號舉行，為期3日。本身想買星期日28號，因為有Dear Jane, 但full 左，所以買左27號星期六 （有JW 都唔錯！） 佢係行實名制，即係入場個時會對番ID個名同填落去個名係咪一致。不過，買完之後可能個friend突然有事，要找另一個人頂上，個名都係可以上番個系統去改 完成！比完錢個門票就會send左去email 度，或者都可以直接download 埋 入到場再匯報！(to be continued)
