每堂劍擊課都有對打環節，透過實戰訓練，把自己學到的劍術應用出來。我仍是「BB班」級數，通常都是大比數被擊敗。若教練有空睇我實戰，對打完畢後，他通常第一句會問我：「知唔知自己輸Ｄ咩？」 學劍擊頭一個月，通常都唔知自己輸Ｄ乜，總之儍頭儍腦就被刺中了。教練問我輸Ｄ咩，我真的啞口無言。即使教練直接講出自己的錯處，我聽後都有點一知半解。 去到今天，已學了兩個月，我大概可摸索到應該如何打劍。對打完畢後，不用等教練問，我已講得出自己失敗的部分原因，例如「未伸直隻手就就已衝上前去」、「後退閃避速度不夠快」、「做完『防守』就後退而錯失還擊的機會」、「伸直隻手做防守會唔夠力」、「有時間衝前進攻但卻猶豫不定」、「錯用劍尖去壓劍」等等。 我由當日儍頭儍腦輸咗都唔知咩事，到現在已知道自己失敗的原因，是一個進步的表現。知道自己錯處之後，努力避免及改善，就是邁向勝利的目標。（其實我之前打贏過兩個同學仔，但一個是新同學，一個是腿部受傷，所以唔計數。） 我期待著自己快些有「零的突破」，真真正正打贏一局！ 愛上劍擊
