有睇過我哋之前嘅PO嘅，都應該知道我哋去過Bad Homburg呢個城市，仲要唔止一次。 今日我哋又去喇。因為今日係果度嘅Laternenfest。 滿載你心坎～Woo～那是藍天與白雲～（唔好意思，好似有啲舊－.－''） Bad Homburg嘅Laternenfest係喺步行街Louisenstraße舉行嘅。見到咁多人，咁好氣氛就證明偽行錯路喇。 沿住步行街會見到各有特色嘅小店同建築。 有以風車為外型設計嘅小店。 有賣Flammkuchen嘅鋪頭。 有流動車形式嘅小賣店。 呢度嘅節日仲有機動遊戲㗎，好可惜阿洛唔陪我玩啦。。。。 仲有個好高嘅Mario添。（乜高果個唔係Luigi咩 XD） 步行街兩旁仲有好多特色嘅建築㗎。 Hexenturm 女巫塔（但係話從無出現過女巫，擺明就係標題黨－.－） 沿住步行街兩旁會見到好多紅瓦頂。（雖然同海德堡應該差好遠，但望住梅止下渴先啦。） 穿過步行街，開始慢慢逼近城堡喇。 途中仲可以見到有Bad Homburg聖索菲亞大教堂美喻嘅Erlöserkirche（救世主教堂）。 再向前行就會去到Landgrafenschloss & Schlosspark（伯爵城堡同城堡公園）喇。 伯爵城堡外有棵好大嘅黎巴嫩香柏樹，係當年英國公主伊莉莎伯嫁過嚟果時，佢阿哥送俾佢嘅結婚禮物。 穿過咗棵香柏樹入到去就係城堡範圍喇。 Bad Homburg嘅地標Weißer Turm（白塔樓）。 回程途中經過嘅麵包店，擺咗啲特色麵包出嚟，好似係當生日蛋糕咁嘅。 點擊圖片放大 咁又過咗一日悠閒嘅節日導賞團喇，下次唔知會係咩地方呢？ 路
