呢日我哋去咗Bad Nauheim,係法蘭克福北面大約40分鐘車程嘅城市。 呢度嘅地標Sprudelhof 點擊圖片放大 話說愛因斯坦當年就係喺度就佢嘅相對論同其他科學家辯論。 呢度就係當年貓王皮禮士利服兵役時所住嘅地方。 雖然已經唔係同一間酒店,但係仍然有好多人慕名而來。(話說點解呢度好似拜完山咁,有咁多花嘅?!) Bad Nauheim作為萊茵-美茵區工業遺產之路嘅一份子,當然都有工業嘅景點啦。 呢個就係Gradation Tower,係18世紀中期歐洲最先進嘅煉鹽廠。 喺呢個塔附近,你會好似去咗海邊咁,啖啖都係新鮮嘅空氣。 Bad Nauheim嘅Dankeskirche(中文係感恩教堂?!應該係。。。) Bad Nauheim除咗工業遺產之外,都有啲公園可以散下步,周圍都係樹,空氣特別清新。 仲可以玩Mini Golf添。 行到咁上下,就出發入去森林開餐。 間餐廳係食意大利菜嘅,叫Das Waldhaus(顧名思義即係森林中的房子)。啲嘢食幾好食㗎,好多人都特登揸車入嚟食㗎。 一日閒遊就咁結束,如果可以日日喺度散步,我諗我應該唔會再有鼻敏感。 路