🌸明閣🌸地點：旺角上海街555號香港康得思酒店6樓米芝蓮星級食府明閣時不時都會推出「米芝蓮珍饈百味宴」，讓客人品嘗不同季節的時令菜式，今次試嘅百味宴優惠去到12月16日，7道菜係OpenRice 訂位每人優惠價$828加一😁🌺 食物 4/5👉 明閣兩小碟（魚子醬花雕醉藍天使蝦+至尊蜜汁叉燒）蝦同魚子醬的配搭幾好，但唔係好食到花雕味🤭叉燒無得挑剔，肉質鮮嫩，蜜汁入味👍🏻 👉 鳳凰回巢湯回巢湯包羅萬象，有烏骨雞、元貝、乾蝦、蠔、香菇等等，燉得好入味，亦好有營養🤣👉 蔥燒雲南野生岩米扣關東遼參遼參好入味，又彈牙，值得一讚👍🏻但岩米淡而無味，可能係自己食唔慣🤣 👉 鮑汁原隻南非吉品乾鮑扣花膠柚皮（28頭）鮑魚好足料很彈牙，花膠好淋但味道方面就覺得正常！ 👉 金耳榆耳扒翡翠好健康嘅菜式，食材新鮮，口感清爽😊 👉 生炒臘味糯米飯特別鐘意呢碗糯米飯，臘味嘅香味好調胃，成碗清曬🤣 👉 薑汁桃膠燉鮮奶秋天較乾燥，女士最需要滋補下😁桃膠有養顏功效，再加上薑汁同鮮奶混合就似豆腐花，口感好滑，推薦👍🏻
