銅鑼灣新開米走雞分店 , 更係黎食一食雞煲啦 呢度出名既係芝士雞煲 ($188/4人 , $148/2-3人) 芝士碎份量都有選擇 (無/小/普通/激量) 其實黎食得芝士雞煲 , 更係芝士碎愈多愈好 , 真係會有人選擇無既 ? 我就只係兩個人揀左半隻雞 , 揀左普通芝士碎份量試下水溫 一黎到見到 , 芝士碎量算正常。 雞黎到大火加熱 , 滾起轉保溫就食得。(係張墊枱紙有教學 , 不過咁岩影唔到) 一開蓋 , 除左芝士香外 , 仲有洋蔥香。 雖然半隻雞 , 但都好多件數 , size 又大。 件件雞都被金黃色既芝士包圍 , 好正呀 呢度配料都幾好多款 , 有 d 仲有半份叫 , 岩晒兩口子黎 , 可以試多兩款。 蜂巢豆腐($18/半份) , 好大舊 , 碌完都好有韌性 , 唔會散晒 鮮炸響鈴($48) , 我覺得似自家制 , 因為好大件 , 唔會又散又碎 , 吸收晒芝士汁黎食 , 真係正。 日本廣島蠔($78/6隻) , 上枱大大隻 , 碌完細左一半 , 不過蠔味好濃 , 食得出新鮮。 Wasabi 鮮墨丸 ($58) , 估唔到 d wasabi 係爆醬 , 熱到我跳舞 , 丸身算彈 , 不過熱食 wasabi 麻麻。 魚旦 ($18/半份) , 比墨丸彈既 , 味道未係好好。 佢地加湯都係芝士湯黎 , 只不過我加完第3次湯後 , 就覺得好咸。 可能新開 , 冷氣好強勁 , 帶定件衫黎 , 不過座位都好寬敞 , 坐得都舒服 銅鑼灣店仲係試業中 , 最好 book 左位先 , 有卡位架 地址 : 銅鑼灣渣甸街渣甸中心3樓 ----------------------------------------- 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com 如果喜歡我的文章 , 麻煩按一下下面的 like 啦!!