尋晚韓燒完 , 呢日一起身又食正野 (呢次旅程後 , 我被朋友冠名為食物黑洞) 呢間豬手店真係鄰近地鐵站 , 係 6 號出口一出 , u turn 番向後面行20步就到。 呢一面我諗大家都很少會行左過黎 , 因為呢度一出地鐵感覺好住宅區。 間店係獨立咁自己一橦 house , 好高級感覺。 比電視介紹過真係常識黎。 呢個就係餐牌 , 哈哈 , 又係韓文 only , 因為出名豬手睇圖就知道係最上果度 , 有 3 個價錢 , 都好簡單 , 就係大中細鍋。 其實入面就好家庭式 收銀又係貼左好多明星合照呀 , 簽名呀。 唔知大家識唔識呢隊係咩女團呢 , 我真心唔識 。 好喇 , 參觀完 , 野食就到喇。 呢兜係中 size , 我同肥熊一起身就黎食 , 都應該食得晒既 左面既係一鍋湯 , 我睇到食豬手既枱都有呢個 , 係要黎煮面。 豬手都好似幾大碟咁 , 夾埋右面碟菜絲食真係絕配黎。 其實個豬手 d 肉真係唔算肥 , 入口都溶架。 最後都係食剩條骨。 -------------- 第四日待續 -------------- 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com 如果喜歡我的文章 , 麻煩按一下下面的 like 啦!!
