呢橦 shopping mall 真係好新 , 今年先開。(因為上年十月去都仲係圍晒板) 不過我去之前有唔少 blogger 已經做左好多功課 , 一層層咁介紹晒。 而且都有介紹點去 , 什麼什麼出口 , 點行點行 , 嗯 , 係詳細既。 咁有 d 人好似我咁 , 又有 d 人對呢 d 轉左轉右覺得煩既 , 去呢個 Hyundai city outlet , 有一個好簡單直接既知道佢位置既方法 , 就係你識去東大門既 issac 就見到個商場 , 因為係隔離 only。 ----------------------------------------------------------------------------- 入正題 , 既然咁多人講解過 , 咁中間賣衫既地方 , 我就 skip 左唔講喇 (因為我對呢 d 衣服冇認知既) , 所以只係講番 d 必定要做既 , 或者同大家有用既野啦。 我地選擇地庫入手先 下面都有好多擺設 點擊圖片放大 不過一入 B1 就已經唔得閒 , 因為第一眼見到既係百味堂 有機牛奶雪糕 (3500won)。 雪糕質地實實地 , 但感覺只溶係口 , 唔溶係杯。 但一咬入口就感覺濃郁既牛奶 , 又夠贅手 , 雪糕仲要由杯底唧上去 , 好味又低食。 話咁快食第二樣野 , 就係. Dore Dore 既彩虹蛋糕 , 係百味堂後面。 傳統既彩虹蛋糕上次食左 , 呢次食呢款彩虹蛋糕(9500won) , 係一片片食 , 雖然食得出每一層係不同味道 , 不過味道麻麻 , 又實 , 都係傳統款好食 d (個人太喜歡食忌廉了)。 彩虹冬甩 (5000won) , 外表雖然唔太靚 , 但塗上個 cream 後 , 又幾好味。 綠茶 latte(5500won) , 跟本係一杯綠茶黎 , 好濃。 之後係 B1 行下 , 有 lego 有 ABC mart , 同黃色果隻退稅 咁我地就行左 Kyobo 書店咁既野。 點擊圖片放大 真係似台灣既誠品 , 而呢隻肥河馬令我出左血 , 仲有呢隻太陽的 OST (當時仲有 poster 送) , sad。 不過呢間係藍色退稅 , 冇得即場退。 之後兜左個圈 , 呢個小朋友版既迪 x 尼公主真係好靚 仲去下廁所 , 不過新商場既設施真好 , 你爆石既時候都可以邊叉電 , 邊煲劇 就落 B2 , B2 主打係食 。 有 yellow café , 真係好多人。 好彩我等左一陣就有位 , 不過唔只野飲 , 仲有其他野賣。 我去果陣做緊 promo , 買兩杯就有野送 , 有杯同匙扣 , 肥熊話要匙扣。 點擊圖片放大 左 : 香蕉雪糕奶昔(5700won) 右 : 香蕉+香蕉奶(5500won) 兩杯都好香蕉 , 奶昔就凍 d , 而香蕉奶入香係有香蕉肉。 如果坐得耐左少少都唔怪人地 , 因為人要叉電 , 電話都要。 呢度都有香港人好 like 既蜂蜜薯片開既 cafe , 真係冇咩人黎 , 可能係香港人鍾意多過韓國人 , 不過你一試佢最 hit 既薯片雪糕就知原因。 點擊圖片放大 +2 呢杯軟雪加炸薯條(4500won) , 可以話好麻麻 , 雪糕過甜 , 薯條就平時食咁咸之中有蜜糖味 , 但配合之後就好怪囉。 古來思魚旦 , 係釜山好出名的 , 因為有三胞胎成日去食。 呢度半 foodcourt ,買完自己拎去叮1分鐘 , 仲有鉸剪比你 cut 。 味道 ok , 偏少少甜 , 都彈牙。 食左咁多野就坐電梯上最高既 9/F 呢度真係有心 , 每一層既電梯隔離都有一部水機 , 有冷熱水同杯 , 當然自己有樽就最好啦 呢層都係食野 有個畫廊 同 Membership Service Center , 大家可以呢度 join 入會 , 不過我唔係 shopping 人 , 所以對我冇用 咁落 8/F , 呢層係小朋友區 , 或者我可以講多少少。 呢度有間餐廳 , 門口看似平平無奇 但裝入去發現係停車場黎 再望去隔壁 , 就會嘩一聲。 長長既餐枱後面係兩層既遊戲室 , 再隔離都仲有兩間房玩其他野 , 咁樣玩 , 家長都幾放心。 而再隔離既玩具店 , 我會叫佢試車場 , 因為可以比小朋友試車 , 好想玩囉。 最後去埋 5/F , 睇呢個 Marvel 既精品 其實價錢唔平 , 都係忍下手算。 不過呢度係行左我一日 , 我相信女士要行兩日囉 ------------------- 第二日完 -------------------- PS : 因為呢日晚餐就係 "八八海鮮湯" https://blog.ulifestyle.com.hk/blogger/leung3siu/?p=2607085 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com 如果喜歡我的文章 , 麻煩按一下下面的 like 啦!!
