呢次我地選擇係弘大落腳 , 因為之前幾次都係住東大門果面 , 但發現好多時都去弘大果面搵食囉 , 真係浪費時間。而且機場地鐵直到弘大真係方便 , 又快又唔駛再轉地鐵。 我地 book 左 Hotel The Designers Hongdae , 雖然離弘大站有少少距離 (近合井站多 d ) , 不過唔想再轉地鐵去合井站 , 行去應該唔太麻煩既 ,因為大街人唔太多 , 路亦寬。 點擊圖片放大 而酒店入面都叫 ok , 有大浴缸 , 方便行到死死下可以浸浴。 點擊圖片放大 +2 放低 d 野就盡快出去行下啦 , 弘大有 line shop , 睇熊大妹妹 (紫圈圈) , 不過得個大公仔 , 入面係冇熊妹妹既 porduct。 之後就要食飯 , 太夜 , 選擇唔多 , 近近食呢個教授牛小腸 , 但呢度都有豬食。 點擊圖片放大 +2 呢支櫻花酒好似好靚 , 但唔太好飲 另一支 IU 版既 hite , 好有西柚味 , 好好飲。 前菜都好得意 , 有牛柏葉同生既牛潤 , 生牛潤都好好甜 , 係甜架 , 腍腍地爽爽地咁。 我地叫左轟動奶酪內臟火 9000won (譯名好奇怪) , 但係豬腸黎。 之後再加芝士 用火槍燒溶佢就食得喇。 香到爆炸 =============== 第一日完 =============== 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com 如果喜歡我的文章 , 麻煩按一下下面的 like 啦!!
