終於去完 10日韓國返黎 , 雖然已經係3年內第5次去 , 但仍然感覺新鮮好玩。 因為會去第一次踏足既釜山 , 去呢個世界50個必到賞櫻既地方 : 慶和火車站。 或者呢次行程係櫻花之旅 , 出發前一直都留意櫻花盛開日子。 咁肥熊就 plan 左兩個行程 , so far 我覺得選擇一個舒適既會比較好 , 就算遲左盛開日子 , 又不是一夜間櫻花就全都掉下。 所以都算啦 , 實行我主張既輕鬆遊 , 可惜既係 , 我差不多每天都步行2萬步 , 真係腳都斷斷地 , 返到香港又要打 blog , 到隻手斷 , 唔知旅遊保險包唔包呢 ? 呢次打 blog 前 , 又係其他地方 search 下其他人既韓國 blog , 原來都有唔少人比亞豬媽劏過。 其實我都試過 , 不過都只係試過 2000won 食一串魚肉串 only ; 露梁津就算啦 , 因為都真係預左打刧 ; 其餘的都去標明價錢既 , 就算溝通唔到都冇比人劏 , 食都食得開心 d 。 亦唔少人比亞豬媽係街係地鐵撞開過 , 你可以叫佢地野蠻 ; 但又有一個好特別既現象 , 佢地好有禮貌 , 或者正如佢地唔會叫 “唔該借借” 一樣咁唔會出聲 , 就係渣車既司機 , 即係一條小路 , 你頂住阻住佢地出車 , 佢地都只會慢慢地跟住你 , 直到你發現佢 , 讓路比佢行 , 佢都唔會咇你 , 唔會用粗口問候你 , 真係好奇怪。 而呢次韓櫻 , 我亦都見識左 , 唔單止中國人會好失禮 , 韓國人影櫻都可以好失禮。 而失禮既韓國人以年青人居多 , 踢樹落櫻花雨 , 跳高摘櫻花比女仔 , 雖然為數唔算多 , 但真係好礙眼。 同行亦見到有香港人不禮貌對香港人 , 希望沒有 7 出國際啦。 ----------------------------------------------------------------- 第一次係呢度打遊記 , 多多指教。 ---------------------------------------------------------------------------------------------------------------------- 想知更多美食資訊 , 歡迎FOLLOW我的專頁& Instagram 多謝支持^^ My Blog: https://blog.ulifestyle.com.hk/blogger/leung3siu http://leung3siu.blogspot.com
