唔知幾時開始 , candy corner 真係婚宴必備既野 , 而當中既怖置又係愈來愈 grand , 什麼色彩班爛 , 什麼高級馬卡龍 , 可以話應有盡有。 當然 , 當一樣野變得一成不變時 , 好多新人都會作出好多改變 ; 而改無可改時 , 又會變出其他新鮮野出黎。 前日我係 facebook 睇到好兄弟 薛可正 share 左張相出黎 , 嘩 , 真係威喎。 我覺得第一個夠膽搵呢樣野做婚前小食真係好野 , 因為食糖真係食到傻 , 而且佢地仲叫怖置公司整左一個咁靚既背景 , 有心思到呢。 咁講真 , 雞蛋仔真係由細食到大 , 而且周街都有一間啦 , 呢間野係咪真係好食到有人搵佢代替 candy corner 呢 ? 叫 街頭雞蛋仔 , 我就搵一搵佢 , 都易搵既 , 而且 d 花款同出面都係差不多 , 不過一場黎到 , 買底試試。 買左一底朱古力味既 , 眼見同出面又係差不多 , 突然有人同我講 : 睇下個底啦 。 原來個型仔老闆出左黎食煙 , 見我眼有疑惑 , 佢就叫我反轉睇睇。 一睇 , 咦咦 , 每一粒雞蛋仔 d 朱古力 o必晒出黎咁堅既 。 哈 , 相都未影得好我已經急不及待咬左一啖。 堅好味 , 食落真係好脆 , 好朱古力味 , 唔怪得有客人咁大膽搵佢代替 candy corner 。 btw , 我仲好欣賞婚宴果個背景 , 真係整得好靚。 街頭雞蛋仔 新蒲崗康強街康強洋樓地下16A舖 如想更快知道我的分享,歡迎讚好我的專頁 & Instagram 多謝支持^^ My Blog: leung3siu.blogspot.com