筆者有時中午想食個輕怡少少, 唔會太heavy既午餐🥣 所以就前一晚買左盒波仔 墨西哥長通粉, (mexican Sauce Rigatoni) 盒上面有清楚寫明嚮微波爐叮七分鐘, 雪藏既時候就需要擺嚮冰箱, 負18度既溫度。 另一款就係中式既冬菇馬蹄肉餅 (Steamed Minced Pork with Water Chestnut and Shiitake) 呢款肉餅可以用微波爐叮五分鐘, 或者蒸十五至二十分鐘。 筆者兩款食物都係用微波爐叮, 叮之前,個人會搣開一角,方便抖氣。 Lunch Time 就嚮Pantry 排排隊用微波爐, 叮熱去黎食味道辣辣地,幾刺激長通粉唔會太乾太硬, 墨西哥汁味道幾有新鮮感, 燈籠椒既味道幾重, 而且仲有火腿片、紅腰豆做配菜。 朋友要求高少少, 佢就覺得汁嘅味道略嫌淡左少少。 有時坐左嚮office全日, 冇咩胃口,呢個長通粉既份量啱啱好, 上班族做午餐啱啱好。