日本人氣國民雜貨店3COINS在香港已經開業一段時間，親民價錢，加上made in Japan 呢幾隻字，已經值得到此一遊。 店舖位於銅鑼灣心臟地帶希慎廣場B2層，位置便利，唔算難搵，但去到都有d失望，因為以雜貨店嚟講，舖位其實算係幾細間。貨架擺位一如日本嘅整齊、潔淨，大致分有廚房用品區、寢室區、飾物區、電子周邊產品、輕著、推介熱賣等區間。價錢全部以日圓對照，最便宜係￥330(稅込)=hk$18，最貴￥4180=hk$228。 廚房用品廚房收納用品簡潔實用，收納層架、掛鈎等，走簡約風，大部份$18就可以帶回家。杯碟、食物盒等一樣簡單清新，主要係大自然色系，以淡啡、淡緣為主調，啱晒想走田園風格嘅家居。點擊圖片放大 +4 家居用品洗衣袋、衣架等，甚有無印風格，但價錢就超實惠。大熱產品兩面拖鞋只售$30，賣點係超方便實用，唔洗轉身、扭腳都可以輕鬆自如著到。另一推介係衣物芳香噴霧，細細枝可以放喺手袋除時用，啱晒去完人多擠擁嘅地方，或者食完火鍋燒肉，噴一噴，咩異味都無晒。點擊圖片放大 +2 電子周邊產品勝在價錢實惠。當中嘅電話繩，公主少女味甚濃，都只係$48，啱晒襯衫用。點擊圖片放大 飾物區最受歡迎嘅區域，大部份產品都只係$18，多款耳環、頸鍊，設計精緻、花巧，甚受學生歡迎；而髮飾種類繁多，髮夾、頭箍、橡筋圈多種不同風格設計，一定會揀到啱心水選擇。點擊圖片放大 輕著區首推Threads大熱產品防水襪，$18就賣到啱晒而家時晴時雨嘅天氣著，不過可惜當日只剩餘黑色船襪。另一啱而家天氣用嘅就係外著防水鞋套，只要套上，就算大大力踩水氹行街都唔洗驚。點擊圖片放大 總結係舖頭細細，但貨品種類都唔算少，價錢性價比極高，$50以內都已經可以買到大部份精美嘅日系家居用品。
