上次分享牛駅嘅火鍋放題已經兩年前啦，係時候update一吓😁真心建議嚟食嘅朋友一定要留肚，午餐可以由12:00食到4:00，4個鐘慢慢食，仲可以中場休息後再繼續食。 今次食豪小小，揀左特上牛小排餐。（其實只係貴多幾十蚊😂😂，4個等級分別係$168、$188、$218、$308，想更抵食d，$168同樣都係可以由開始食到結束，共4個鐘）牛肉：先後食左特上牛小排、澳洲M5和牛、SRF美國極黑和牛、美國安格斯牛板腱，共4款牛。個人最愛係特上牛小排，牛肉非常腍，帶有牛油香。而澳洲M5和牛就最大件，食落重牛味。SRF美國極黑和牛，介乎牛小排與M5和牛之間，小小腍、小小牛味。美國安格斯牛板腱，呢個第二好食，同樣有油脂香，肉質都算腍。點擊圖片放大 爽脆系列：有多款食物入口都非常爽脆、新鮮。包括：自助區嘅水魷魚、牛柏葉；點餐嘅有黃喉、蘭花蚌、鮑魚、毛肚。點擊圖片放大 脆炸系列：自助區嘅炸物記住唔好錯過！喺暖櫃擺放嘅炸魚皮、紫菜響鈴卷入口仍然鬆脆，打邊爐浸湯最多5秒，又腍又脆嘅雙重口感最正。 甜品：蜜瓜軟雪糕香甜、絲滑；榴槤雪條，幾乎鍾意食榴槤嘅人，都會識呢枝雪條；榴槤大福即榴槤雪米糍，皮薄芯軟。木糖布甸、牛奶布甸、Tiramisu，不過不失，可以留肚食其他。點擊圖片放大 $308火鍋任食4小時，牛肉真係好靚，抵食！我見左右隔離好多人都可以食到4個鐘，而食物係會不停Refill，少有空盤情況，呢度真係好啱大胃王。點擊圖片放大 +5
