一段時間無食放題，新年假期就搵間瘋評嘅放題店放肆一吓。睇Menu都勁吸引三百幾蚊食放題好似應該有更平嘅選擇，唔洗揀呢度；但係……三百幾蚊就包埋日本海膽同魚子醬嘅放題，真係邊度都搵唔到。 日本海膽仲要細心到怕你就咁食海膽會覺得寡左d，就俾多幾款嘅海膽款式你揀：海膽軍艦：最純粹嘅海膽選擇，細細粒讓你可以慢慢品嘗海膽嘅鮮味。 海膽拖羅雪魚乾手卷：海膽配紫菜係絕佳嘅配搭，如果你同我口味一樣，呢個一定要叫。而且加埋拖羅一齊食，果陣海水嘅鹹鮮味令我重複叫左呢個手卷3次。 海膽拖羅黑松露帶子：一啖一件，啪入口就一次過食到海膽、拖羅、帶子不同層次嘅鮮甜，再加埋香郁嘅黑松露，好食到再叫多左一次。 鱘魚子醬嘩！鱘魚子醬任你食！配上喺自助區自取嘅小多士一齊食，果種奢華嘅感覺令我有一刻忘記左自己係食緊放題，以為係喺西餐廳食緊晚餐。😅點擊圖片放大 港式食物鮑汁鮑魚撈一口花菇飯：食自助餐/放題嘅大忌就係食飯，但呢個唔叫一定後悔。鮑魚又腍又多汁，飯粒充滿鮑魚汁嘅鮮味，必食! 金湯燴花膠：大大件花膠，入口滑溜，鍾意食花膠嘅，真係會忍唔住想食多幾件。 避風塘炒蟹：靈魂一定係個脆蒜辣椒粒，勁惹味，忍唔住用嚟點埋雞軟骨同串燒牛舌一齊食。 日式、其他選擇日式放題唔少得嘅刺身，就住個胃只能夠點三文魚、北寄貝、赤貝、帶子。三文魚勁厚身，夠晒肥美；北寄貝望落好靚，大大件，有口感；赤貝就碎左d，唔似得北寄貝咁大大件。點擊圖片放大 炸物一定要食炸年糕、榴槤炸彈。鍾意食榴槤嘅就記得喺自助區攞返幾件烤榴槤，烤過嘅榴槤入口更軟綿綿，味道更甜。點擊圖片放大 仲有件鵝肝多士，第一次食到鵝肝大過件多士，香濃嘅鵝油香味，唔怕膩嘅真係可以食多兩件。 仲有大推飲品 - 樽仔港式奶茶，唔會太甜，又有茶香，仲好順滑添。 總之呢度嘅食物真係令人失望嘅唔多，相反，大部份都幾正，加上餐廳係酒店餐廳改建而成，坐位舒適，環境光潔。都係果句啦：三百幾蚊，食到日本海膽、魚子醬、鮑魚、避風塘炒蟹等，真係食多少少已經回晒本。而且味道唔差，刺身亦算新鮮。殿•大喜屋絕對係我個人覺得最抵食、好食之選。點擊圖片放大 +5
