之前食過尖沙嘴分店，覺得雞煲同鴨煲都非常正，味夠香濃、料又足。朋友話沙田都有，仲有豬手煲食，佢勁鍾意食豬手，咁無得走，一定要陪佢食啦。 除左惹味雞煲、黑椒豬手煲、火焰牛尾煲之外，仲有火鍋，無論邊一款都係放題任食。建議喜歡烚吓烚吓嘅，都係用火鍋湯底去打邊爐；坊間有唔少雞煲火鍋，但個人覺得呢度嘅雞煲都係就咁食雞最正，反正有多款唔同湯底，火鍋之餘當飲湯都勁正。點擊圖片放大 黑椒豬手煲黑椒勁惹味，豬手炆得夠晒腍，入口爽彈，食多幾件，感覺口腔黏黏的，滿口骨膠原，勁正。 火鍋湯底要左胡椒豬肚雞煲，個湯底唔會好濃味，就咁當湯飲都得。 火鍋料都有好多選擇，牛、豬、雞、海鮮之外，仲有坊間少有嘅鴨(鮮鴨件、煙鴨胸、油鴨脾)、炸雞腳、豬膶。太多嘢想食，而料又唔差，可惜胃得兩個。個人口味推介火鍋料安格斯牛板踺：有咬牙，肉味較濃。炸雞腳： 肉質勁彈牙，而且皮層炸得鬆鬆的，沾上湯底，勁入味。脆鯇魚腩：堅係脆腩，煙韌彈牙，肉質結實。韓國年糕：一定要攤凍才食，倍感煙韌。鮮准山：甜味又健康 自助區仲有丸類、蔬菜、各式飲品、雪糕雪條等等，一個價錢可以食到咁多嘢，性價比極高。睇餐牌沙田店仲有坊間少有嘅午市火鍋放題，真係幾時嚟食都可以。點擊圖片放大 +2
