大瀛喜嘅放題一向唔錯。今期主題仲係果王-榴槤放題，榴槤控嘅我點會放過呢個黃金機會。 一坐低，即刻點極品金枕頭榴槤燒，榴槤用火槍燒過，食嘅時候微暖，估唔到又出奇地好食喎，特別係甜味，相信因為曾經烤過，梅納反應使甜度得以提升、榴槤香味也更濃；軟綿綿嘅果肉極creamy，雖然每次限叫每人兩件，但食吓食吓，都食咗成10件、8件。 刺身款式選擇多，三文魚、甜蝦、虎蝦、赤貝、帶子、吞拿魚。三文魚厚切肥美，味道鮮；帶子size唔算大，不過新鮮爽口；鮑魚有嚼勁；最正赤蝦，蝦肉勁爽彈，味道鮮甜。仲有泰式虎蝦，配上泰式甜辣醬加蒜片，極好味！。 西京燒比目魚，係我每次都必叫嘅，因為佢燒到外皮金黃微焦，裡邊魚肉嫰滑，入口油脂即溶。配埋沙律醬食，甜中帶鮮，更覺好味。 炸物之中，可能因為自己超鍾意食榴槤，所以覺得貓山王炸榴槤最出色！芝士年糕都ok，但一定要襯熱食。 飲品勁多選擇，啤酒、清酒、茶、汽水、果汁等等……飲茶可消滯、汽水消暑、酒類令人舒暢，各適其適，總有一款啱飲。點擊圖片放大 甜品除左小蛋糕，一定唔可以錯過椰汁燉鮮奶，勁滑香濃，好好味！燒菠蘿邊食邊噴汁。當然雪糕雪條都要留胃食啦，因為有榴槤雪糕。點擊圖片放大 +2 如果我多兩個胃就好啦，真係好多嘢食，每次都總有想食想試，但最終都係飽到食唔落，又要諗吓下次幾時再嚟。
