大喜屋嘅放題一向都極之受歡迎，因為食物分類多達十數種，包括：刺身、創作壽司、江戶前壽司、火炙壽司、卷物、軍艦、一品料理、串燒、燒物、炸物、天婦羅、蒸焗及鐵板、麵煱。一坐低QR Code 落單，唔覺唔覺就叫左勁多嘢食，枱面都差d唔夠擺。雖然如此，但我地叫過嘅嘢都未食得晒餐廳嘅一半項目。 刺身：三文魚、北寄貝、北海道帶子、象拔蚌、松葉蟹腳 創意壽司：鮑魚拖羅蓉海膽杯、海膽大蝦、柚子胡椒和牛燒、蒲燒鰻魚山椒燒壽司 壽司：三文魚腩、黑松露帶子、滋味皇帝蟹棒、醬油汁燒左口魚邊 一品料理：花雕醉鮑魚、一品花膠盛、避風塘炒蟹、皇牌燒乳鴿王、冰鎮花海蜇點擊圖片放大 +3 卷物：期間限定，要在自助區自取的海膽手卷、蟹腳手卷 串燒：燒牛舌、牛油燒翠玉瓜、鹽燒雞中翼、燒溫室甜菠蘿、鹽燒雞軟骨燒物：西京燒比目魚、蒲燒鰻魚 炸物：榴槤炸彈、芝士年糕單單係食物list都已經咁長，仲要食到懷疑人生，明明食緊日式放題，但有乳鴨、花膠、鮑魚、炒蟹食，自助區仲有椰子雞湯、松草花膠雞湯，而且仲要係水準之作。 而傳統嘅日式放題食物，刺身新鮮已經值回票價；創意壽司唔只食得、仲要靚靚，首推鮑魚拖羅蓉海膽杯，雖然拖羅蓉唔太突出，但係鮑魚爽彈、海膽味鮮。串燒之中嘅溫室甜菠蘿，真係好甜，仲要爆汁，食1件一定唔夠喉。燒物就一定要食西京燒比目魚，皮脆肉嫩，食到停唔到口。自助區嘅酒水飲品選擇之多，大喜屋絕對可以算係數一數二，汽水、啤酒、果汁、茶、涼茶、清酒、梅酒、白酒都有。期間限定嘅自取手卷更係放題食物嘅天花板，海膽唔洗多講，就係簡單三個字：好好食。而蟹腳雖則唔係真蟹腳，但味道甜美、爽口。熱湯真係真材實料，多料又夠味。雪糕區更有多款味道、品牌，就連Movenpick 、Häagen-Dazs 都可任選，不過個人就覺得海鹽味道最好食。點擊圖片放大 +6 食品選擇、好味食物之多，不能盡錄，總結係呢間大喜屋嘅放題真係非一般放題咁簡單，唔單只好食，仲要勁多選擇，就連中式/創意料理都做得唔錯。一個超值價錢就全包，我同朋友都覺得抵食夾好食。
