同朋友嚟到，侍應就安排大大張直角梳化位俾我地兩個人，坐位極寬敞舒服，兩個人坐緊6~8人位。坐低後睇清楚個場，原來全場就只有4個大直角梳化，好彩今晚人唔多，如果唔係我地就要轉場啦。坐多一陣，就聽到有人唱K，原來Bar嘅設計係圍邊設置多個獨立房間，坐位其實唔只眼見嘅4張直角梳化。呢個場嘅設計都幾好，如果多幾個人，就可以自己一班friend包房唱K，唔錯! 掃QR code落單，夠晒簡單方便，食物種類都唔少，價錢以尖沙咀區嚟講，絕對合理可接受，好多嘢都想食，可惜胃得兩個，忍忍手之下都叫左6,7樣嘢食😅。喺落單期間，發覺原來呢度仲有BBQ自助餐，諗吓都覺得正，室內、涼住冷氣燒嘢食?! 不過今日唔玩BBQ住，都係叫嘢食先🥩黑椒牛排 ($78) 鍾意食牛扒嘅一定要叫呢個。牛扒燒得好靚，5~7成熟，牛扒外面有燒烤格格紋，內裡肉嫩粉紅，入口軟腍。 🍗雞腿肉3串 ($68) 燒汁味甜甜地，雞肉幾滑。 🍆重慶燒茄子($68) 渝菜嘅麻辣重口味，喜歡食辣嘅應該都會喜歡這個。落單點食物時，除了揀食物之外，仲可以揀味道、辣度、醬汁，唔洗千篇一律得一款味道揀。 🔥燒秋葵($38) 新鮮，燒完無左果種滑潺潺嘅感覺。 🔥麻辣蓮藕($48) 呢個好辣、好香、勁惹味、爽口，連伴菜嘅花生都好脆好好食。 🔥牛油蒜蓉娃娃菜($68)娃娃菜切了丁方小片，方便易食，入晒味。 🦑避風塘魷魚鬚($98) 夠晒亁身，好多炸蒜、指天椒，香口、味濃。 🍸Pineapple($58) 雖然唔似係鮮榨菠蘿汁，但唔會死甜，微酸，易入口🍸Lime Soda ($58)解喝、解辣之選。 🌜🎶🛋喺度真係坐得好舒服，食吓嘢、傾吓計，唔覺唔覺原來已經坐左3，4個鐘，要約定下次搵多幾個朋友上嚟包房玩先。🥂FridayBar & Restaurant📍尖沙咀加拿芬道25~31號國際商業信貸銀行大廈14樓
