同三五知己暢聚，緊係想搵個地方可以坐得舒服、食得開心、傾計又可以開懷大笑㗎啦。結果…呢度一個地方，就可以同時滿足我地三個願望喇。知道呢度可以有自己嘅房，感覺唔錯，於是就即打電話嚟訂位。坐低緊係要揀野食先啦。食火鍋最重要係咩?當然就係個湯底啦，我地決定揀左個望落似係材料最豐富嘅湯底。跟住就揀嘢食，一於懶人菜單，咩都唔諗，牛肉要併盤、餃子、丸子當然都係要併盤啦；最後連菜都係揀埋一個併盤就搞掂。所有嘢都可以唔洗揀，啱哂我哋呢啲有選擇困難症嘅客人。🌶泰式無骨鳳爪($78)未食火鍋先要一個小食，微酸微辣夠晒開胃，鳳爪幾爽彈。 🍲湯底:胡爐醉八鮮鍋($398)材料有龍蝦、卜卜蜆、青口、東風螺、螺片、鮑魚、花膠、仲有小小魚翅等等。儀式感一流嘅海鮮焗,侍應先開火炒熱食材,然後加酒點火,當火熄後加湯,成個過程非常之好睇,而且陣陣酒香撲鼻。 當湯底預備好，侍應叫我地先試吓湯嘅味道，我地好快每人𢳂左d嚟飲，個湯係好濃嘅龍蝦味、少少酒香、仲有海鮮嘅鮮甜，唔錯，我地覺得自己揀得好好🤭。 🥩牛肉:胡爐十二道牛盛盒($688)腩肋條、池板、封門柳、牛頸脊、 牛白肉、牛舌心、安格斯、飛驒和牛、坑抓、紅酒浸牛、 邊抓、牛展。12款不同部位嘅牛肉，顏色鮮豔、雪花紋理清晰可見，加埋靚靚嘅擺盤，又係相機食先嘅必選。多款牛肉都非常軟腍，入口肉味重，不過可惜無清楚標明，所以入口都未必知道自己食緊邊一款牛肉，最清楚嘅係紅酒浸牛，因為一擺入口就嚐到濃郁嘅紅酒味。廚房嘅刀功幾抵讚，因為唔同牛嘅部位用左唔同嘅切法，例如牛舌心會係薄切，咁就唔洗擔心淥過龍而變得韌同嚡口。牛展、封門柳呢d就會厚切，入口就可以慢慢細嚼，品嚐肉味就更佳。 🥟醉胡爐五寶餃($108)喺無清楚標明之下，估計係包括香荽豚肉餃、黑松露蟹肉餃、手工雲吞、自家製韮菜餃、XO鮑魚蝦餃王。 🧆醉胡爐五寶丸($108)估計係手打墨魚丸、手打香茜炸菜牛丸、梅菜豬肉丸、黑松露墨魚丸、西洋菜墨魚丸餃同肉丸都係自家人手製作，入口味道夠新鮮，食落完全唔會有雪味，咬落彈牙、有口感；擺入湯底度淥，唔會烈開、散晒。餃類最喜歡韮菜餃，可能因為自己鍾意食韮菜☺。韮菜無渣，味帶鮮甜。而丸就最鍾意墨魚丸，因為呢個口感最出，咬落係有一粒粒嘅口感。 🥬大蔬菜拼盤($93)睇相已知，每一棵都係鮮嫩翠綠，白菜仔仲好甜。 除左併盤我地仲叫左好多人都推薦嘅🍘紫菜炸響鈴($88)。真係好好食，新鮮炸起，上枱仲見到有油光。擺落湯碌一碌即夾起嚟食，意外地完全唔覺得油膩，雖然浸過湯，但都依然鬆脆。點擊圖片放大 食材高質，又可以有自己房間，侍應服務好，呢度絕對可以係下次同朋友再聚嘅地方喔！點擊圖片放大 🔥醉胡爐📍尖沙咀柯士甸路20號地下
