旺角豉油街一直往仕德福酒店方向行到街尾，就會見到呢間餐廳。亮眼、新簇簇的紫色外牆，配有大大個方形玻璃窗，感覺像一卡卡的火車，紫色控喺餐廳外不同角度，都能夠搵到靚位打卡。外面影完相，進入餐廳又會有另一翻感覺。點擊圖片放大 餐廳裝修有幾分懷舊感覺，燈光昏暗、水晶吊燈、高背椅、啡色卡座等… 再仔細睇餐牌揀食物，發覺呢度嘅食物有著不少香港人嘅回憶，鐵板餐、黑牛、紅豆冰、滾水蛋、唂咕等，諗起小時候跟著父母去扒房鋸扒。未進食，已嚐到一份令人回味嘅舊香港味道。 不過話說回來，雖然有著港式扒房嘅回憶，但食物也有新派嘅生酮選擇。而鐵板餐除左傳統嘅汁料，更有熱溶芝士(+$18可轉芝士)，我同朋友都係芝士控，各自選了一個鐵板餐。 20cm吉列豬扒餐 ($118+$25轉套餐) 20cm吉列豬扒差不多完美覆蓋一整塊鐵板。不久，侍應捧著大鍋芝士前來，如同吃鐵板餐的儀式一樣，慢慢將著火的半溶芝士淋在吉列豬扒之上，過程既興奮也滿足。豬扒嘅吉列皮，薄身但非常酥脆，而豬扒都有少少厚，但非常嫩滑，容易咬開，有肉味。配上濃濃的嘅芝士漿伴食，味道十分香滑可口。 吉列豬扒下面，更有蔬菜墊底，西蘭花、甘筍、粟米都十分鮮甜，仲帶有牛油香味。套餐我仲揀左跟意粉，意粉亦都用牛油炒過，軟硬適中，順滑香口｡ 套餐仲有跟牛油餐包，而是日餐湯係甘筍忌廉湯，非常濃稠、鮮味，餐後仲有跟餐甜品-雪糕，呢個雪糕非常重奶味，又夠滑溜｡點擊圖片放大 呢個餐份量真係好足，我最後都係食唔晒，如果細食嘅話，我相信絕對可以兩個人share食。熱溶芝士牛柳($188)，配中湯，估唔到今日餐湯係生酮湯-大骨雜菜湯。牛柳非常厚身，估計足有5cm 厚。要左五成熟，切開時仍見到粉嫩嘅顏色，火候處理得唔錯，牛柳非常容易咬開，無渣、肉汁豐富。 最初唔知跟餐甜品係雪糕，我地仲另外叫左個甜品-焗蕃薯條雪糕($68)，呢個絕對一定要推介！ 除左蕃薯條同雪糕之外，竟然仲有棉花糖，係焗到外皮金黃香脆，內裡流心嘅棉花糖，配上蕃薯條一齊食，除左好好味，我已經諗唔到更貼切嘅形容。 因為餐廳嘅外牆吸引左入嚟，咁靚嘅外觀以為係高價位西餐廳，但其實以呢個食物質素同份量，價錢絕對合理，完全唔貴，旺角又多一個翻尋味嘅餐廳。
