往年6月都一定出走外遊，喺繼續無得飛嘅情況下，唯有搵d外地特色食肆暫時滿足吓。睇朋友IG，決定揀蘇媽·蘇媽，唔只係馬來西亞食物，連裝修都有極濃馬拉嘅味道，當飛左轉馬來西亞都好。😄🍲檳城白咖哩麵 $62🤣🤣朋友笑說話似車仔麵，因為配有豬紅。白咖哩湯底如果可以更濃郁，會更惹味。白魚蛋夠彈牙，大大粒，咬落真係好有回彈力；豆角、芽菜都處理得唔錯，唔會煮到太腍，脆口翠綠。點擊圖片放大 🍊桔仔話梅水 $35 (跟麵$28)感覺返晒嚟，每次去星馬都一定每日一杯，同樣都係味道較淡，如果再酸d就更啱我口味。 🍞椰香咖央多士$35呢個真係好味，一定要叫，首先烘得非常脆口，即使我食完麵先至食，但都依然香脆，而夾心嘅椰香咖央甜度啱啱好，又夠多醬👍👍 抹茶榴槤糯米磁 (餐牌真係用呢個磁🤭 $65)驚喜係糯米糍係暖身嘅，可能係即叫即做，用左抹茶做皮，淡淡嘅口味更襯托出榴槤嘅果香。榴槤餡大讚，咬開有少少爆漿效果，果味極香濃，甜甜嘅榴槤餡真係令榴槤控大滿足。 最後，環境、裝修、餐具絕對係我揀呢度嘅原因，極用心嘅佈置，對於要止痕嘅旅遊痴如我，的確可以有療瘉嘅作用，特別欣賞藍天白雲嘅天花板。☁️☁️點擊圖片放大 @蘇媽·蘇媽馬來西亞茶餐室荃灣大覇街71號地下
