1. 出席 雖然唔期望你會準時,但起碼在約定時間一小時內出現 2. 不要只顧玩手機 婚宴係一個大型聚會,人生無幾多次可以同啲明明認識但又無咩名目可以約出黎嘅朋友見面。打開咀巴,其實呢個世界仲有人類。 3. 玩得 其實姊妹遊戲只為拍攝效果,又點會真係想整死你,唔使下下發脾氣。你應該知道屎片上的一定不是屎,衛生巾亦很衛生,真正的人奶只會留給我仔仔飲。 4. 入屋叫人,入廟拜神 你著成咁,唔好以為人地長輩會睇你唔到。噎聲舅父姨媽,然後你會發現今晚將會多咗好多小幫手。 5. 主動同姊妹傾計 兄弟同姊妹要合作的事情很多,唔好散席先知原來有個姊妹叫Amy。 6. 伴郎 請用你條人命保證結婚介指嘅安全,否則我老婆保證唔到你嘅安全。 7. 司儀 就算你唔鍾意預先寫稿,都起碼上台之前知道自己講咩。 8. 如果閣下情人不能獨立生存的話,請不要携眷出席 行禮時你會驚佢悶,開席時你會驚無人同佢傾計,散席時你驚要佢等。 9. Reception守則 安排咗你坐reception點名收人情嘅話,一日未開席都希望你個屎忽仲坐喺度。 10. 幫新郎頂酒 今夕吾俱歸故土,他朝君體也相同。