近日見沖繩的旅行廣告賣得好熱烈，話說本人都係一個沖繩小粉絲，去過沖繩數次，都可以作少少分享。沖繩呢個地方天氣溫和，最岩去玩陽光與海灘，我就中意5月尾去，好好彩去咁多次都無打風，仲鬼咁好天。 租車OTS 如果第一次去沖繩，我建議租OTS，雖然並不是便宜，但好方便，設備齊全，仲可以租埋Wi-Fi 蛋，又平又快，去沖繩我係唔會買上網卡的。去旅行最緊要玩得開心又唔洗煩啊嘛。還有OTS網站轉日文BOOK會平啲喔。 ACCOMODATION 其實我都介紹過比好多朋友，SHERATON 位於中部恩納地區-其前身係summaries hotel，最近其酒店又新增左繩索活動，非常吸引。唯一唔好係多左好多人去。還記得當年去沖繩係小猫34隻，街上人都唔多一個，幾個朋友就玩曬整個海灘，非常舒服。現在就⋯⋯⋯⋯其酒店轉左Sheraton 後我都住過，感覺無之前咁好，一來無左間教堂，二黎房間的床變小了。最高最貴的房間間格亦變差了。純粹個人比較，但擁有私人海灘的確非常爽爽的。 (圖片轉載自網絡) ACTIVITIES 來到沖繩唔玩水上活動真係好浪費，深潛浮潛一定唔少得啦。邊間我就唔介紹啦，因為我去果間好普通，大家可以上FACEBOOK 搵同埋BOOK埋，去到先比錢。藍洞深潛真的是check list :) 如果想揀適合一家人的活動，咁一定係美之海水族館啦。 食肆果D盡量唔開名啦，想食就自己搵啦XD 行程 DAY1 : 早機-->OKINAWA-->OTS 租車-->牧志公設市場 LUNCH -->美國村-->恩納 SHERATON CHECK-IN -->硫球之牛DINNER DAY2 : 藍洞早潛-->海膽龍蝦LUNCH-->美之海水族館-->古字利島-->DINNER放題 DAY3 : 酒店活動-->LUNCH BURGER-->AEON SHOPPING MALL-->那霸市中心 - 拉 麵DINNER DAY4 : 那霸市中心自行活動 DAY5 : 食個靚lunch—>竹下通—>還車 大家可以參考一下我既行程。因為唔係第一次去，所以我地都主打輕鬆遊，好多景點都唔會特登去：）有興趣既JM都可以去沖繩玩番357日，洗滌一下心靈XD Reference: -租車 https://www.otsinternational.jp/otsrentacar/cn/okinawa/campaign/hot-summer-deals/?utm_source=yahoo&utm_medium=cpc&utm_campaign=search_hongkong&msclkid=58e9a65e2d2616e5cdd5fdd0961c5875 -酒店 查看喜來登沖繩聖瑪莉娜海濱度假村 http://agoda.onelink.me/1640755593?pid=Mobile_App&c=Property_Sharing&site_id=1770664&af_dp=agoda%3a%2f%2fhotel%2f%e5%96%9c%e4%be%86%e7%99%bb%e6%b2%96%e7%b9%a9%e8%81%96%e7%91%aa%e8%8e%89%e5%a8%9c%e6%b5%b7%e6%bf%b1%e5%ba%a6%e5%81%87%e6%9d%91%2f159129&af_force_dp=true&af_r=https%3a%2f%2fwww.agoda.com%2fsheraton-okinawa-sunmarina-resort%2fhotel%2fokinawa-main-island-jp.html&af_web_dp=https%3a%2f%2fwww.agoda.com%2fsheraton-okinawa-sunmarina-resort%2fhotel%2fokinawa-main-island-jp.html&adults=2&childs=0&rooms=1&checkIn=2018-09-05&checkOut=2018-09-06&los=1&cid=1770664
