唔通真係要整牙貼片?藍光美白牙齒中晒伏 要排靚牙真係唔慳得 話說最近要預備影pre wedding，我諗住上鏡排牙想白淨d, 就上網睇睇呢家好興既藍光美白牙齒，輕輕係ig 搜尋一下，就彈左勁多間小型美齒店出嚟，原來價錢相差都幾遠，試做價平至$280貴至$1xxx都有。 話晒都未試過做呢樣野，緊係搵埋朋友一齊去啦，我同朋友商量過就揀左其中一間勁多Kol, blogger 推介既舖，揀佢既原因： 1.安全最緊要 話晒睇牙醫咁貴 一陣有咩整衰左 就大獲 2.呢家有咁多kol 試過應該都唔會點出事掛 （點知就......你睇落去就明） 平又驚 貴又肉赤 揀個中價穩陣d 所以我地用左二人同行優惠，每人$840 當做咩都試下咁啦 到左果日，我地一行四人上左去位於油麻地全層既舖頭，一開Lift門就見到果間野成日好多KOL用嚟打卡既花花牆，入到去佢地都好好招呼，叫我地擺低野，同比左一人一杯漱口水我地清潔下個口腔，跟住就帶左我地三個入一間房（因為有個朋友要整埋眼睫毛，自己係房外做） 入房擺低野我地就坐好，跟住佢就用一套牙齒顏色既模型， 用來比對下我哋排牙本身嘅顏色，佢話我D牙果陣係2x 號色(數字愈大愈黃)，其實我覺得佢報大數，就影張相做record。 (圖片轉載自網絡) 跟住就幫我搽左D凡士林用來潤唇，比我戴左個撐大個口既野，再塞左D棉花入口，跟住搽左藍色野係牙肉位，話保護牙肉，再係咁咦吱左D透明野係D牙上面就照燈，比我感覺係勁求其，因為佢勁快吱完，好似好唔均勻咁。 出賣朋友系列haha~ 照既時候，我覺得暖暖地，個咀勁乾，個口勁攰(因為撐大個口好辛苦)，傾唔到計，又打唔到機，因為舉高手先睇到電話，戴住個眼鏡睇咩都紅色，好辛苦，除左訓陣都無咩可以做，就心諗住一陣會白D靚D，我忍！！！ btw等既期間無野做周圍望，比我見到，果部機係來自大陸.....－口－ 苦苦等左半個鐘，終於等到果個人入來幫我地完成埋最後階段－清潔，跟住又影張相做record，再拎返個牙齒顏色既模型，對比做完後既顏色，話呢家係12度，白左10度，下，你連上面D透明野都未抹乾淨，就話白左？ 有圖有真相，我真係覺得無乜分別囉！ Before After 另一問題，我同另一朋友以前都cool 過牙，係傳統鋼cool ，會有D牙齒表面唔平滑情況，佢呢家白晒係果D 位置，搞到排牙勁怪，未做前佢有講過會出現呢D問題，刷幾日牙就會無左(咁真係無左既，不過係連白果少少既效果都無埋囉-_-’’’’’’) <- 唔係我一個係咁，同行朋友同我情況效果一樣，大家都勁失望，得無cool 過牙既朋友叫左效果好少少，但都係分別不大，幾日後打回原形。 講埋藍光美白牙齒之後打理注意事項先，48小時唔可以食有色野，coffee, tea, 咖哩通通bye bye, 本身都有跟足，刷左兩日牙，都覺得無分別，就放棄左lu~ 呢個經歷真係令我地幾個都唔會再信咩藍光美白牙齒，就算係都真係唔洗搵間咁貴。 同左幾個fd 講呢件事，大家得出既結論係：其實要靚真係唔慳得，用埋D美白牙膏、家用美白劑效果都唔長久，而且唔太明顯。 所以另一朋友早排去UMH dentalcare 度洗牙，順便又同醫生分享藍光美齒，醫生話如果真係想效果長久又可以揀自己想要既白色，建議可以做牙貼片。 佢話佢地有隻新既牙貼片- Laugh & shine，效果好好，好薄又唔易斷。 Laugh & shine 用超薄耐用瓷片，用特別引進歐洲原廠製造及進口物料，厚度只有0.2-0.3mm，堅硬度高達400MPa，比得上牙齒琺瑯質，不易斷裂，耐用度可長達5-8年，而且近乎真牙的透光質感，有多種亮白或自然顏色，唔會好似有D明星咁，排牙死白，白到對面樓都睇到果D真係唔OK囉，一睇就知成排都係假，你知啦，太假真係成個人造人咁，個人認為最緊要自然。 好奇既我打過上去問下資料，CS話要醫生睇左會你岩唔岩做先，同埋可以做3d scaning 有得睇下整完既效果，就算痴上去都係2-3個鐘，就會靚足幾年。遲下我會上去做過consultation 先，到時update大家。 以上資料來自： http://laughnshine.com.hk/ 好似真係幾正咁，有興趣就去睇下啦，我呢家仲諗緊整唔整，HAHA
