我的卡路里夥伴又帶我去尋開心🥳我地情人節前夕去，餐廳仲每人送咗一扎花俾我哋， 超級驚喜♥️我哋今日去呢一間，就系銅鑼灣嘅一間高級燒肉店，主打和牛燒肉，雖然價錢唔屬於平，但系物有所值😍佢呢度系任點任食，我哋揀最平嘅套餐，都有超過60款日本食品可以點😱限時120分鐘，可以慢慢食，慢慢享受美食🥰一嚟到，成盤黃牛見到油花分布非常均勻，已經好吸引😍燒出嚟仲非常美味！我就最鐘意內後腿肉，有肉味，又有油香！仲好嫩滑，入口即溶😋任食嘅食物都非常高質，有好多日本地道既燒內藏，媽媽我就最like😜另外每一次去日本都一定會食嘅甲羅燒，呢度都有得任叫，回本必食，超鮮味😍呢度嘅食物除咗好食之外，員工們都非常之熱情有禮！見我地唔識燒，主動過黎幫我地燒埋😆仲會提我地一邊食肉，要一邊食菜，先至可以食得更多🤩見我哋有啲凍，仲攞埋披肩俾我哋添😍宮崎肉本鋪地址: 銅鑼灣糖街25-31號Sugar+6樓電話: 35685330點擊圖片放大 +8
