之前試業緊既 Kidztech仲未係好多人,基本上我地玩緊果個區,只係得我地3個,加上環境好新都幾乾淨,玩得好安心!同埋員工們都好有愛心,會主動幫忙☺️今日玩得非常開心,試業期間一大一小都只係$200(另加一大人$60)絕對值回票價<-- 而家早場仲平左,只係$180.講下佢入面有咩玩啦,佢分左幾個唔同區域,有繩網、STEM遙控車同鏟泥車、沙池、樹屋波波池、幼兒軟積木區、角色扮演城堡、三米長既滑梯、仲有個都係stem既波波運輸裝置🤔唔知點叫😂😂仲有啲area有放下圖書、lego、幼兒玩具(果啲冇時間玩)仲有個做手工既area同電動車(兩個都係另外收費)點擊圖片放大 最吸引既就係七彩繽紛既繩網,打卡影相超靚😍同埋主要係我仔仲處於爬行狀態,呢啲玩爬既野,就最岩佢點擊圖片放大 +4 波波池就有無敵大海景,講真呢個吸引大人多啲,不過我仔由於第一次玩波波池既關係,佢見到咁多波都係超興奮 今日好遺憾冇試到個三米滑梯(呀b太細玩唔到,安全理由都唔建議大人抱住玩)唔係我呢個大細路都好想sir返兩轉.其實啲stem遊戲都做得幾好,我抱住bb玩,佢都眼定定睇實,感覺好神奇咁,可能佢都有覺得好神奇好得意既感覺啦 最後仲食左少少野先走,啲小食黎講就偏咸左啲啲,價錢就正常,唔算食水好深既,不過佢餐廳就冇開到,望住呢個view飲杯野係正既 講下有咩唔好:1.地點真係離我屋企太遠,今日去仲要塞車,搭車搭左勁2. 育嬰室冇洗手盤,換完屎片要去廁所先有得洗手,如果單拖都唔知點算3. 冇locker儲物,又係單拖要揹住個食同佢爬上爬落(雖然佢有位儲物,但冇得鎖只可儲下啲衫褲尿片等)4. 電動車要另外收費,變左冇人玩,如果入場費包一次,感覺會好啲#偽韓仔李泰賢 #親子餐廳 #親子好去處 #放電好去處 #親子放電 #波波打卡 #波波池 #infinitypool #維港 #黃埔 #親子blogger #hkmom #hkmomblogger #hkbabyboy #hkbabyblogger