人生，是一趟旅程。 最近，遇到一個朋友X，佢問我，究竟做人為乜? 答案，其實永遠只有你自己最清楚。 世界上，沒有一個人比你自己更清楚你自己。 每一個人，由過去到現在，都曾經收過聽過好多不同意見和聲音。究竟，邊d有用，邊d冇用，其實都係由我地自己去選擇，去決定相信d咩野，用咩方法最合適你自己去實行你所選擇。 只有你自己，才最清楚你自己。 作為一個八十後中產白領，自出娘胎存在於呢個世界三十年，自少就會懂得問自己，點解我係我，點解我會咁樣點樣? 直到我發現，原來一直而來我問自己的問題，都係沒有絕對答案。於是，我就知道，人生的意義，其實，到最尾係你自己賦予比你自己。 路，係人行出黎。 人生，是一趟短暫旅程，所以我地更要好好學懂如何思考，如何生活，如果面對一切終會來臨的結束，使呢段旅程充滿意義，多姿多采，開心自在。 希望從今日開始，可以藉著呢個部落格，簡單精要地分享一點一滴積極的人生態度。不枉費自己所學所得，以助己助人。如有不足之處，敬希賜教，不勝感激。
