/Exchange in Finland/ 18th Aug 2017 今日我既Tutor就帶我係Helsinki 輕鬆玩左一個圈 咁佢當然都係帶我去左D出名既景點啦 首先梗係赫爾辛基好出名既赫爾辛基大教堂 其實遠睇又真係幾靚既 依到可以免費入去都可以影相 但始終係教堂就請大家保持安靜呀 然後 我地再去到烏斯本斯基大教堂 依到既紅磚令我諗起香港既PolyU 兩個地方都係純粹行下參觀下 對於我黎講已經好滿足啦 然後我地晚餐就食左漢堡包＋番薯薯條＋雞肉長通粉 其實好好味，但我唔記得左叫咩名 係係city centre mall 有條巷，有個好大綠色既名就係佢架啦 個漢堡同番薯薯條真係非常好食 漢堡好Juicy 番薯薯條Feel到係真材實料 勁推薦依個 但係個長通粉就真係無咩特別 兩樣野食加埋差唔多30歐 我同一個朋友Share 所以每人就10幾歐 以晚餐黎講我覺得都仲可以接受 景點： 1. 赫爾辛基大教堂 交通：可搭路面電車7號 (在Central Railway station附近) 由 Rautatieasema 到Hallituskatu 或者由 Central Railway station 步行約10分鐘 2. 烏斯本斯基大教堂 交通：可搭路面電車4號/ 5號/ 7號 (在Central Railway station附近) 由 Lasipalatsi / Rautatieasema 到Tove Janssonin p. 再步行約 4分鐘 或者由赫爾辛基大教堂搭路面電車4號/ 5號 由 Ritarihuone 到 Tove Janssonin p. 再步行約 4分鐘
