/Exchange in Finland/ 16th Aug 2017 半年既交換生之旅開始左啦 我坐既係芬蘭航空 好準時，服務態度都非常好 我係check in 既時候先至揀位 都仲有窗口位(不過我真係早左到機場) 雖然搭長途機坐窗口位係有d唔方便 但係我都係鍾意睇下出面係點 因為我搭早機 咁芬蘭航空包兩餐 但係我唔記得影d野食 d野食不過不失，但都算豐富 可惜既係可以睇既戲、電視節目同音樂唔多 所以好大部分時間我都選擇左訓教 搭左成九個幾鐘終於到萬塔機場 拎完行李就準備搭車出市區 個到有一部機係可以買車票 由Vantaa去Helsinki 要5歐 我係搭地下鐵出左去先然後再轉巴士到住既地方 張車票千萬唔好扔左佢!!!! 因為張車票係一個鐘內都可以重複使用 所以我搭巴士個程就唔洗再比錢 到達住既地方就出左去附近既K market買d野食 依隻酒係個host推薦我地買 佢其實果汁味重d(個人就喜歡依種) 但聽聞係芬蘭既酒 所以試下都無防～ 第二日就係係屋企hea 雖然芬蘭只係比香港慢5個鐘 但好似都係有d Jet lag 成日都覺得好眼訓 朝早去左附近跑下步 個環境真係幾舒服 然後就係屋企煮下野食、訓下又一日啦 遲d會再講多少少關於電話卡同交通既野～
