【食】紅磡:西香記 今日媽媽唔同我一齊覓食 咁我就唯有叫外賣自己食 正當我諗食咩既時候,我就諗起一直想試但都未試到既 咁我就叫左個金牌套餐 有肉夾饃、麻辣雞絲涼皮同飲品 咁首先我就食肉夾饃 個包一定要襯熱食先好味 如果唔係就會淋哂 包既料比得好足 而且d肉一d都唔痴牙 唔好睇個包好似細細份,其實食完都幾飽 之後就食麻辣雞絲涼皮 咁佢有唔同醬料比我地撈既 咁左上面個包係醋黎既 一打開就好香醋味 鍾意食醋既我當然落哂成包 中間同右邊個包應該係d辣椒同辣油 咁就可以因應自己食到幾辣而決定加幾多啦 撈完個樣就係咁 我覺得如果可以多d青瓜絲會再好食d 整體黎講都係不過不失 都值得試一試既 店家資料: 地址:西香記 紅磡寶其利街2D地舖 價錢: $42