【食】紅磡：讚好 依排唔知點解好想食臺灣既食物，所以就入左黎依間到食啦 個環境唔算太大，有時繁忙時間都要排隊等位 咁入番正題，今日我同媽咪每人叫左一個飯，我地就無叫到野飲 咁首先就係我既滷肉鹽酥雞飯 鹽酥雞既粉唔多，雞肉都好嫩，用黎送飯食都唔錯 我見佢可以散叫鹽酥雞，其實當小食咁食都唔錯架 我覺得最值得欣賞係個飯有菜 成日出街食飯都無菜食或者多肉少菜，對身體唔好架嘛 咁又有栗米呀配下飯食都唔錯 咁我媽媽就叫左滷肉香酥排骨飯 同鹽酥雞一樣，排骨既粉唔多，肉都好嫩 但係唔知點解有一件係全部都係肥膏，完全咬唔到有肉 雖然其實都好食，但係實在太肥同太唔健康 兩個飯整體都唔錯，但係其實個份量好多， 建議兩個人食既話可以嗌一飯一麵Share黎食，咁就岩岩好 店家資料: 地址:讚好 紅磡湖光街1-7號聯成大廈14號地舖 價錢:滷肉鹽酥雞飯 $39 (單售) 滷肉香酥排骨飯$39 (單售)
