最近天氣又熱又潮濕,係戶外行一陣已經出曬汗,塊面都出曬油。仲要俾口罩焗住d皮膚,搞到油脂分泌失調,黑頭、暗粒、粉刺、痘痘.....種種皮膚問題湧現。作為過來人,希望同大家分享下一d解決以上皮膚問題嘅方法同產品。【清潔篇】施巴 淨顏潔面泡官網連結🔗呢款潔面泡泡清潔力中等,比較溫和,適合朝早洗面用,用後皮膚不會覺得乾燥繃緊。而且佢一擠出黎已經有頗綿密嘅泡泡,啱曬朝早趕時間嘅時候使用。不過佢對於解決黑頭問題嘅成效一般,而且佢陣味都幾重,係施巴產品signature嘅味道,不太推薦對香味敏感嘅朋友使用。🌸比較推薦budget唔多,想要一支做到溫和清潔嘅敏感肌朋友使用。 艾草茶樹油潔面皂 (購自台灣)艾草同茶樹油都有消炎殺菌作用,而且艾草可以消腫、止痕及收斂毛孔。呢款潔面皂清潔力好,適合夜晚洗面用,用後皮膚不會繃緊,而且感覺好乾淨。佢係舒緩痘痘,去除面部多餘油脂方面嘅效果好好,而且成份全天然,仲有淡淡中藥草本味。配合起泡網用,d泡泡非常綿密舒服.🌸推薦油肌,痘痘肌,混合性肌膚嘅朋友用。🌱艾草本身都可以舒緩濕疹,敏感濕疹肌嘅朋友都可以試下市面上嘅天然艾草皂。我本身用緊嘅呢隻艾草茶樹油皂係台灣先有得買,不過都係香港搵到鋪頭(@beautyfromnature)賣天然手工皂功效唔錯,大家可以按自己皮膚需要睇下。 【磨砂去角質】ST.IVES綠茶去黑頭磨砂潔面膏成日戴住口罩焗到鼻頭鼻翼兩側面頰位生左好多黑頭,呢個時候用去角質磨砂產品就可以幫到手。呢支磨砂膏係用全天然嘅磨砂粒子,唔會好似有d牌子用膠粒,對環境友善。而且佢有水楊酸同綠茶成分,可以潔淨毛孔同去角質,效果唔錯。最重要係佢價錢好抵(~$40 170g),性價比好高,係各大藥房超市都買到,啱曬學生同小資族! 以上100%都係我自己嘅用後感同心得如果鍾意我嘅分享請追蹤訂閱❤️下篇分享再見💕歡迎邀稿、合作試用等contact:📩lettyleung1201@gmail.com....#痘痘 #暗瘡 #口罩肌 #粉刺 #黑頭 #天然手工皂 #潔面 #護膚 #磨砂 #小資女 #洗面