話說,殭屍面膜由上年開始已經聽人講喺韓國好hit好賣得,仲誇張到賣斷市添!Zombie之所以咁勁係因為話一次過可以改善9大皮膚問題,包括多功能全效保濕、亮澤、彈性、美白、抗老、緊緻、減淡細紋、收細毛孔、角質護理,聽上去真係好鬼吸引呀!小編一直都係用開paper mask 同 gel mask,今次就試用咗呢個紅到發紫嘅-殭屍面膜。 首先打開一小盒面膜粉,倒一格嘅面膜水落去先。 之後攪到佢變到似「沙律漿」嘅流質物體就可以薄薄搽一層上手了。 喺呢度要提一提大家,要快手啲搽晒上面,如果唔係啲「沙律漿」就會好快乾晒架喇! 五分鐘後,會見到周邊會開始有裂紋,皮膚收緊,開始見到有龜裂情況發生,好期待十五分鐘後嘅效果呀。。。 十五分鐘喇~見到成隻阿婆手咁,睇嚟我連隻手都好dry吓!大家留意喇,有皺紋出現嘅地方,即係保濕唔夠;有裂紋嘅地方,即係缺少水份;而凹凸位,即係彈力唔夠,會易有皺紋。建議每次用都要影張相做record呀,咁就可以睇返個對比有幾勁喇! 完全扯到啲皮膚好似龜裂,feel 到係收緊晒啲皮。。。。 洗完手,白白滑滑,爽呀!見到毛孔細咗、紅印減淡、仲水彈彈添呀!今次就只係試咗上手,如果試落塊面度,分分鐘幫我換埋膚呀喂!用多幾次,慢慢會發現裂紋同一粒粒空氣愈來愈少,代表你嘅肌膚狀態變得愈來愈好啦! 我仲拍咗段片,快啲禁入去睇喇!>>>>>>> 版權所有 不得轉載及翻印 想睇Lazyme更多Product Review /產品資訊,快啲like呢個>>facebook page