#書展 #南亞圖書 停課期間，坊間都流傳咗好多唔同嘅練習工作紙，懶媽都列印咗好多比哲哲玩，但好多都玩完一次就冇用，儲埋好多廢紙！朋友介紹我一款好正，來自德國嘅「樂智高Logico」教材💕，唔需要用紙筆，無年齡限制，用遊戲板玩，好輕便又方便帶出街🥰，最重要係教材主要已經針對唔同嘅發展，唔使左搵右搵工作紙，就來又放暑假，可以同哲哲慢慢玩。 依套教材主要係想針對兒童思維，同智能開發嘅自學課程，由德國嘅幼兒專家研發，透過手腦互動，俾小朋友喺「玩中學」、「學中玩」🎉，令到腦部得到全面發展。呢套課程喺全球都好暢銷，翻譯咗成24種唔同嘅語言，係德國亦都廣泛使用，拎咗好多唔同嘅國際大獎✅。 教材分咗4個唔同嘅年齡組別，有啱哲哲嘅2-5歲課程，另外有4-6歲、6-8歲、同 8-12歲。 根據唔同嘅年齡遞增，遊戲板上嘅圓形按鈕數目亦都隨之增加，玩法變化無窮！教材玩法喺將彩色配對圓鈕在下方放好，然後插入遊戲冊，依照問題逐一作答，將圓鈕移到右面相應嘅位置，反轉遊戲冊頁面，檢查圓鈕嘅位置取得正確答案。對答案嘅頁面都充滿驚喜，加入咗唔同嘅預遊戲，例如劃線或者係填顏色！成個教材都喺用英文講解，但其實唔需要睇文字都會知道需要做啲乜嘢，小朋友自己玩都OK。一套有20本遊戲冊，等我介紹吓其中幾個唔同嘅遊戲。✴️Finki at the Hospital✴️📌訓練邏輯推理：找找尋搵返相應車款嘅另一半！ 📌訓練觀察力：搵出與別不同嘅圖案！ 📌認識左右： 針對分辨左右嘅配對圖案遊戲！ ✴️Learning about Traffic✴️📌訓練觀察力：係一大幅圖畫裏面搵返缺少嘅板塊，找返相應嘅顏色同埋形狀。 📌常識認知 ： 遇到唔同嘅事情，搵返相應嘅交通工具，例如見到間屋着火就要搵消防車，見到送郵件嘅叔叔就搵返快遞車。 📌訓練觀察力：認識唔同形狀嘅路牌，加以配對 ✴️My Day✴️📌空間幾何(鏡面反射) ： 照鏡遊戲，搵返倒影中嘅圖案 📌歸類： 將唔同物件分類，例如分開餐具，玩具，衣物等 📌認識位置： 分辨上下左右 📌數學概念(數數) ：根據蛋糕上唔同嘅歲數號碼，配對相同數量嘅蠟燭 對於就嚟三歲嘅哲哲，第一次玩嘅時候都需要媽媽喺附近幫手，慢慢玩多咗嘅時候，就開始上手，呢個時候就係媽媽解放雙手嘅時候🥰期待已久，基本上每一個練習都有唔同嘅變化，圖案豐富色彩鮮明，小朋友可以玩好耐都唔厭，最重要係帶出街都好輕便，出街食飯等緊食物來之前玩，搭車玩，排隊玩，真係一個唔錯嘅教材玩具🪀了解更多：http://www.sabooks.com.hk/productDetail.php?id=1345#工作紙 #兒童工作紙 #德國教材 #哲哲兩歲玩啲咩 #教材推介#書展門票 #2021書展 #書展門票giveaway #書展送飛 #書展飛#親子blogger #hkblogger #親子日記 #hkkol #hkinfluencer #香港媽媽 #媽媽blogger #懶媽親子育兒記 #親子育兒懶媽親子育兒記 IG: https://www.instagram.com/lazymablogFB: https://www.facebook.com/lazymablogBlog: https://mamibuy.com.hk/home/19241YouTube : https://www.youtube.com/channel/UCySr_iwfT-OTjvnn-5JAq4g
